台中開左一間甜品鋪係以日式風格裝修，係一間專賣雪糕甜品既文青店。店鋪門口以白色為主調，加上木製既門同窗，比人一種好舒服簡約既感覺，鋪頭亦擺放左好多綠色植物。呢間甜品鋪除左食好多款口味雪糕之外，仲有聖代，鯛魚燒，特色茶，蛋糕等。另外由於台灣珍珠好出名，所以呢間甜品鋪好多款甜品都會加入珍珠作配料，除左甜品外形好靚之外，味道都好好食嫁。有機會黎台中既你不妨試下去呢個嘆番個下午茶！

▲鐵觀音雪糕加布朗尼蛋糕: 仲有好多粒珍珠作配料，茶味雪糕亦很清新。

▲鯛魚燒(新台幣40):有唔同口味既鯛魚燒，即場製，大約需要等十分鐘。

▲木瓜波霸鮮奶 (新台幣150)：當啲雪糕溶左啲，連埋木瓜一齊食好似飲緊木瓜奶咁。

▲焦糖U珍奶(新台幣140)：格仔脆餅包著雪糕，加上煙韌麻糬及珍珠，食落去好有口感。

▲荔枝玫瑰(新台幣100)左、紫薯雪糕(新台幣90) 右: 荔枝搭配玫瑰味竟然好搭，食落去好清新，外觀亦好有少女心，岩晒影相。

▲門口有一幅打卡牆，方便客人黎到果陣打卡影埋。

▲鋪頭裝修好簡約，不過都好岩同朋友黎坐低食下甜品、傾下計。

金帛手製

地址:台中市西區精誠五街14號
營業時間:13:00~21:00
電話:0423274760

文字來源：香港人.遊香港／圖片來源：@1012_qing、＠chiau.au、＠chiasing124、＠kinber_made、＠cafe_joy_lady、＠tw_foodaholic