平時大家都係係外國去旅行，例如日本，台灣，韓國，但唔知大家有冇試過係香港旅行，而今次會為大家去一個香港小旅行一日遊，香港仔鴨脷洲一日遊，行程有香港仔流記艇仔粉 ， 之後街渡去鴨脷洲 ，之後風之塔公園，最後鴨脷洲大街再去埋市政大樓美食，真係有野食，有野玩，有得影相，一次過滿足哂多個願望，十足去左旅行一樣，所以希望大家都可以係香港感受一下新鮮感。
第一站：香港仔流記艇仔粉
▲香港仔流記艇仔粉，打電話比艇仔粉嘅老細，佢好快就過到嚟，其實大約5分鐘到啦，就有隻船洗埋你黎，跟住老細就問我想食啲乜嘢？一個好有特別好特別既餐廳，可能得香港先有咁既體驗！
▲碗艇仔粉（$30），我最欣賞就係個艇仔粉個湯，好重味，如果個湯唔重味會搞到啲河粉都淡而無味，叉燒唔算特別肥，如果太肥就會令到成碗河粉都好油。
▲買完仲可以坐係海邊，一邊食，一邊望下海，真係好有旅行feel。
香港仔流記艇仔粉
電話號碼：91402628
地址：香港仔香港仔海傍公園
第二站：街渡去鴨脷洲
▲食完野，要出發去今日既重頭戲，搭街渡去鴨脷洲。
▲ 香港仔小輪香港仔至鴨脷洲航線，是一條香港仔避風塘內的航線，由香港仔小輪營辦，實際營運時分為兩條支線：兩者皆由鴨脷洲（悅海華庭）來往香港仔：其一停靠香港仔行人隧道口，另一則服務香港仔珍寶碼頭
▲ 這條街渡有數十年歷史，往返鴨脷洲至香港仔只需約4分鐘的船程，船費很便宜，單程大人$2.5，小童$1.3。往返是利用小型船隻，跟乘天星小輪的感覺完全不同。客滿就開船了，航程很短，但穿過香港仔避風塘，覺得很有特色。
鴨脷洲街渡碼頭
前往方法：在利東站A1出口，過馬路後向前走往海邊，到達海邊堤岸時轉左直行約50米，碼頭就在右手邊的海面。
渡輪班期：
香港仔(隧道口)–鴨脷洲 7:00am -11:00pm
香港仔(珍寶碼頭)–鴨脷洲 6:00am-12:00半夜
每班船相隔約4-10分鐘
第三站：風之塔公園
▲ 風之塔公園位於香港島鴨脷洲海旁，其命名取至於公園內的特色地標──風之塔。風之塔公園是一個以漁港為主題的公園，市民除了可以在這裏休憩外，亦能體驗香港傳統漁港的風情。
▲而旁邊就是區內漁民經常參拜的水月宮，於1866年由當地居民興建的一座觀音廟，歷史悠久，同時是香港三級歷史建築。
▲公園沿著鴨脷洲海濱長廊延伸，能一直看見香港仔漁港及避風塘的景色。
▲公園內除了風之塔外，還有一個觀景台供市民使用。
風之塔公園
地址： 328, Ap Lei Chau Bridge Rd, Ap Lei Chau
最後一站：鴨脷洲大街市政大樓
▲貌如一般市政大廈，甫步進地面一層，便略感不同，魚檔特多，多由漁民直接打理，視乎當日魚穫，有時冷清，有時熱鬧，要尋好魚，必須抱着空手心態，尋尋覓覓，也講緣份。
▲入面仲有好多唔同食餐廳，不過今次就介紹一間人條最高既陳新記。
▲呢度嘅招牌除咗海鮮之外，一口西多都好出名。賣相好魔鬼，一層一層的一口西多，由上而下淋滿煉奶及花生醬，味道不錯，行行小小餓食就最好。
▲可能近海關係，Ｄ海鮮都好新鮮。
▲無論係小食定海鮮都好有水準
陳新記
地址：鴨脷洲鴨利洲大街鴨利洲市政大廈1樓
電話號碼：25551862
營業時間：07:00-17:00
文字來源：香港人.遊香港／圖片來源： @香港人.遊香港、xiaohongshu、foodiebills