呢間係主打懷燒料理既小店，主要係用個石鍋嚟裝住啲烏冬同湯，所以一路食都仍然keep到好高嘅溫度。呢度既烏冬有四種湯底揀：魚介豬骨濃湯、香菌濃湯、香辣三色味噌湯、黑蒜油豚骨湯。手打烏冬特別煙韌彈牙，除左烏冬之外，客人仲可以選擇拉麵。家陣除左鳥冬之外，仲有唔少小食、飯、冷鳥冬比客人選擇，等大家唔洗淨係食石鍋鳥冬咁悶。呢家係一間超有誠意既小店，食物上菜速度快，而且食物品質有保證，真係好推介比大家。

▲上級牛肉黑松露豬骨湯稻庭烏冬($94):牛肉一上菜果陣係鮮紅色，好似食緊生牛河咁，不過由啲牛肉紋理睇得出係靚牛。

▲香煎豚肉餃子($48):餃子煎到幾脆，個底又唔會燶左，同埋食落好有肉汁。

▲木魚豚肉玉子燒($58):玉子燒配料有好多，有蟹柳絲、椰菜、叉燒，出面食既玉子燒通常用蛋包好多層，但呢到既玉子燒得好，好容易跌晒啲配料出嚟。

▲鋪頭一到晚飯時間就會好多人排隊，想排少啲時間既話記得早啲到！

▲吉列芝士香菌濃湯手打烏冬($94):湯底係好濃郁既香菌濃湯，，而且有很多香菌同粟米，吉列豬排都炸到好好脆。

▲黑胡椒煮花界($88):花甲份量都唔少而且都幾新鮮無咩沙。

萬豚屋

地址:尖沙咀赫德道19-23號地舖
營業時間:星期一至四、日12:00 – 16:00／18:00 – 23:00，星期五至六12:00 – 16:00／18:00 – 00:00
電話:35986282

文字來源：香港人.遊香港／圖片來源：@antonytong、@delicasam、@law_kiki、＠hkhipstercafe、＠mochicafe1、＠crystallcheungg