鐘意親親梅花鹿既朋友以往都會去到日本奈良，其實近近地係台灣既馬祖大坵島都有得睇，仲可以邊行山享受下大自然添！大坵島算係個比較偏僻既島，全島只有兩三戶人家，但呢度梅花鹿既數量有過百隻咁多，係名符其實既「鹿島」！沿住環島步道走，幾乎都會見到鹿既蹤跡，可以買D鹿鐘意食既樹葉餵下佢地，不過都要注意保持安全距離，因為梅花鹿具有野性，唔小心激親佢地有可能被攻擊！大坵島其實都係個風光無限，擁有大自然美景既小島，天氣好既時候遠眺藍天白雲，吹著海風散步，非常寫意！不過要注意去島上既交通未算發達，每日只有一至兩班船來往大坵島同福澳港(南竿)，如果唔想係島上過夜，就要注意船既時間了！
▲大坵島上有過百隻梅花島，係路上都好容易遇到佢地
▲雖然梅花島長得可愛又純良，但要注意鹿都有野性，保持安全距離小心被攻擊！
▲大坵島大自然環境優美，邊行山可以邊享受美景，連梅花鹿都忍唔住停低望下喧咁靚既風景 (笑)
▲環島步道唔係太長，大概兩小時就會行晒，行到高點仲可以睇到靚景添
▲而家依然居住係小島既居民已經剩低兩三戶，但依然可以睇到小島既昔日痕跡
台灣馬祖 大坵島
交通(船)：福澳港(南竿) -> 大坵島 -> 白沙港 (北竿) -> 福澳港(南竿)
[3,4,5,9,10月] 每日一班船來往
去程 09:50 福澳港 ->大坵 // 回程 12:10 大坵 ->白沙港->福澳港
[6,7,8月] 每日兩班船來往
去程 09:50 福澳港 ->大坵 // 回程 12:10 大坵 ->白沙港->福澳港
去程 13:20 福澳港 ->大坵 // 回程 15:40 大坵 ->白沙港->福澳港
文字來源：香港人遊香港／圖片來源：@yunhsieh77、@maitzzylin、@jesmine4423elan、@sihhucachen