星期六日下午優閒時光，美女們都會約埋兩三好友，尖沙咀山林道就有間以正宗英式Tea 既茶室，猶如貴族級享受，一入茶室，映入眼簾既係充滿十九世紀歐陸維多利亞風既陳設。復古傢具以典雅純白為主，加上華貴既水晶燈，好似亂入左邊間貴族既豪華大宅之中。Tea Time必點佢地三層Tea set，放滿鹹點及甜點，大部份都係店家手工製造，特別要留意既咸點有常設既蟹肉餅，係以法國蟹肉製成，好鮮味！而甜點就一定要試軟綿濕潤既焦糖海鹽伯爵茶戚風蛋糕，食落鬆軟！
▲每一台既食客都會order 呢個3層英式下午茶（$298/1位 ; $568/2位），搭配英國維多利亞式既歐陸風茶室，完全係個悠閒時光既氛圍。
▲英式下午茶係呢間茶室既招牌，接照英式做法，由下至上放上不同咸點、甜點，食物款式會因季節作調整。
▲最頂層係甜品，分別有招牌伯爵茶戚風蛋糕、雜莓拿破倫同歌劇院蛋糕，伯爵茶戚風蛋糕係用以蛋白同有機乳酪，加入優質伯爵茶烤焗，帶有茶香，同時跟柑橘香並存。酥脆既拿破崙上面以覆盆子點綴。歌劇院蛋糕朱古力味亦見十分香濃。
▲頂層係甜品，中層都係甜品！甜魔一定會失控！香甜可人既草莓撻、柔滑香濃既Panna Cotta同軟心朱古力撻
▲咸點外觀一d都唔會輸！香煎蟹肉餅選以法國蟹肉製成，迷你小牛漢堡既牛肉係用美國安格斯牛肉手打製，一d都唔heaz，當然仲有咸甜交織既蜜瓜帕馬火腿
▲呢度英式下午茶都配既鬆餅，好香濃既牛油味，配以玫瑰紅莓果醬同Clotted Cream
▲焦糖燉蛋口感六非常嫩滑。
▲特意選用英國皇室御用品牌Fortnum & Mason茶葉，選擇包括：辛香的伯爵茶、桃子果乾與中國茶調配的蜜桃茶、錫蘭茶
▲係呢個咁悶熱既假期，不妨約埋身邊好閏密，歎呢個黎自英國皇室既下午茶，做一日貴婦！
Victorian Rose Tea Room
地址：尖沙咀山林道38號銀座38 17樓
電話：27891999 ／ 97440188 (Whatsapp)
文字／圖片來源：dewislife、@l9_l5、@bessmok、@vivipuipui