呢排天氣唔多穩定，成日突然轉涼落雨，有時候ot完真係想飲返d暖笠笠既糖水，呢間傳統糖水鋪只開晚上，係由一對區內夫婦經營，唔少附近街坊既最愛。店鋪有9款中式糖水選擇，實而不華，絕無花巧！蕃薯糖水煲到岶岩岩好，重點係佢地薑湯底到，首先食到香濃片糖，再試到後勁辣薑味！特別一提就係食客對呢度既湯圓都充滿驚喜，一碗湯丸有6大粒，裡面竟然係紅紅地色既黑芝麻餡，係用左傳統做法。外皮落去亦煙煙靭靭，一到中秋節、除夕佳節，呢度就會好多人幫襯，做到冇停手！

▲蕃薯糖水有驅寒暖胃之效，用上大大舊既雞蛋黃蕃薯，天氣涼既話食一碗當宵夜真係大滿足。

▲店鋪用既豬仔匙斤，好有家庭暖心feel，令人感覺好似食緊阿媽煲果d糖水咁。

▲湯丸皮咬落去煙煙靭靭，將少少黃片糖加入芝麻餡，令湯丸內餡唔係全黑色。

▲腐竹薏米白果雞蛋糖水腐竹、薏米用料十足。又滑又潤味道濃郁！呢個養顏滋潤糖水係女士恩物！

▲呢度糖水大都實而不華，好多街坊都會買幾碗返去食。

▲大部份糖水都仲係20蚊左右，幾經濟！

芳姐糖水小食

地址：太子基隆街37-47號嘉利大廈地舖
營業時間：星期一至日 18:00 – 01:00

文字來源：香港人.遊香港／圖片來源：@ynkalex、@t0t0t0t0t0、@dine.alone、@lesterwk、@kindlysmart