唔好扮細話冇見過呀！我係小忌廉係80後集體童年回憶之一，講個日本女孩小桃得到魔法，變身成明星唱歌！今次同灣仔水產市場做聯乘，推出5大主題美食、2大經典打卡位同3大聯乘商品！小編今日率先試下呢5大主題美食。必食有有嘉麗樣既海鮮丼，有齊8款時令刺身，包括北海道帆立貝、長崎吞拿魚同三文魚籽。呢個日式凍蒸蛋可以見到變身前小桃，完全唔捨得食呀！淨係食點夠？小編推薦order埋小忌廉夢幻特飲，因為會送埋香檳杯、杯盒同小星環杯夾！夢幻特飲係巨峰口味，上面有粉嫩棉花雲，加上紫色糖粉，真係好少女心！
▲一到店鋪門面已經見到《我係小忌廉 初夏祭》主題佈置
▲櫃台都有粉紫既小忌廉圖案
▲6人坐位都佈置成小清新既小忌廉圖案
▲一入到去就見到小忌廉企定定同大家影相喇，闊別多年形象同以前一樣可愛活潑！
▲另一邊有月下之嘉寶、嘉麗，大家可以模仿小忌廉坐係月亮上唱歌！
▲小忌廉夢幻特飲 連香檳杯、小星環杯夾及杯盒($108) 粉嫩棉花雲非常夢幻！粉色亮麗既飲品係特製巨峰口味，隨飲料仲附送小忌廉圖案香檳杯同杯緣上小星環杯夾，個杯飲完仲可以拎返屋企
▲嘉寶 牛油果溏心蛋沙律（$78） 玉子整成月亮形狀，嘉寶係月亮上守候小桃！
▲小桃日式凍蒸蛋 （$55）香滑日式蒸蛋印左小桃清純模樣，完全唔同破壞佢！日式蒸蛋精萃源自鮮甜海蝦、帆立貝等混合鰹魚高湯
▲嘉麗海鮮丼（$268）嘉麗造型十分可愛！有8款時令刺身，包括北海道帆立貝、長崎吞拿魚和三文魚籽等新鮮食材。
▲小星環 X 夢幻小丸子 Via Tokyo 牛奶雪糕（$88） Via Tokyo 軟雪糕食落香濃牛奶味，加上日本士多啤梨、自家調製粉色小丸子及手造小星環曲奇！
▲小忌廉初夏祭 T 恤 （零售價: $198 ／換購價:$168）紫色 T 恤印有小忌廉，粉絲們必收藏！
▲小忌廉伸縮泊車神仙棒 (不包括迷你智能儲值卡／零售價:$248 ／換購價:$188)神仙棒、神仙棒，快D變！昔日小女孩既你都長大成人，考埋車牌既你可以用佢黎做伸縮泊車棍！
築地山貴水產市場 x 《我係小忌廉 初夏祭》
限定日期: 2019年5月8日 – 6月12日（兩個大型打卡位於5月16日露面）
時間：中午12時 – 晚上10時30分
地址：築地山貴水產 – 灣仔碼頭二樓
文字／圖片來源：香港人.遊香港