聚會最啱！唱住k打邊爐！必點美人鍋+麻辣鍋！

呢間開左係香港既台式火鍋店已經有好多間分店，佢地既麻辣鍋用香料同藥材熬製，亦加入大量鴨血及凍豆腐，打邊爐之餘仲可以飲得落。不過怕辣既朋友就可以試下招牌美人鍋，湯底加入桃膠、烏雞、金華火腿等熬製4小時，又滋陰又養生。最近黎打邊爐有新野玩Bor，一路打邊爐一路唱k你又點睇？呢個組合直接岩哂一班人去re-u，依家除左尖沙咀之外，旺角同銅鑼灣兩間旗艦店都會加埋k房，到時又要睇下件肥牛熟未又要點歌，真係會有d忙！

▲麻辣鍋分大、中、小辣，麻辣湯順喉唔油膩，附帶既鴨血同凍豆腐吸收了麻辣湯日月精華，非常惹味！

▲麻辣拼美人鍋（$188），美人鍋含有桃膠、原隻烏雞、杞子、南棗同金華火腿熬製4小時；麻辣鍋可免費追加鴨血1份

▲霜降肉眼肥牛（$178）；厚脂黑毛豬梅花肉（$168）

▲食材有不少係台灣直送的蔬菜，好似呢個青綠色既水蓮（$88），食落爽脆而帶蓮花香！

▲麻辣同養生湯底都有大量鴨血在，軟滑既鴨血吸收了湯既日月精華鴨血，非常入味可口！

▲book佢地既k房就可以享受一邊唱k一邊打邊爐既樂趣！

▲旺角、銅鑼灣分店就陸續投入服務喇！

養心殿台式養生鍋

地址：尖沙咀棉登徑8號地庫
電話：2369 9866
營業時間：12nn- 6am

旺角／銅鑼灣店陸續投入服務！

文字來源：香港人遊香港／圖片來源：@fatgglikefood、@rickypedia、@chippy26_blog、@angela_n_g、@cynderella_cyn、@nana1124