有啲人去旅行會中意享受住啲舒服既酒店、有啲人就中意backpacker去旅行，唔知去旅行晚晚都露營會係咩享受呢? 係美國黃石國家公園度露營，絕對係人一生中好難忘晚既體驗。Camping係美國好流行，亦係當地人既一種旅行方式，朝早一起身就石以望到大自然既景色。係美國黃石國家公園露營價錢真係好平，基本上都係30蚊美金內一晚，可以開到兩個雙人營。除左自己帶帳篷露營之外，仲可以係市中心租定架露營車。相反，如果住黃石國家公園入面啲酒店就可以要起碼200美金以上。所以黃石國家公園3日以上既行程，露營絕對係一種體驗又可以幫你慳到錢。
▲要注意係黃石國家公園裡面既露營地都非常受歡迎，特別是夏季(6-8月)，熱門的營地最好提前半年預訂。以黃石公園為例，12個營地裏得呢5個是可以預訂，其他就要當日早啲到營地霸位，營位都係先到先得。露營區通常4月至10月先會開放比旅客露營。
黄石公園要注意事項:
1.公園裡面網絡信号特别差，好多時候都係無信號，所以大家記得先Down定離線公園地圖。
2. 呢度會有好多野生動物，例如黑熊、棕熊、北美野牛、鹿。所以，所有食淨左既野食都要包好，放入黃石公園比你既食物收集收箱。
3. 呢度就算8月去既時候，夜晚氣溫都會去到0-5度，日夜溫差好大，記得帶定啲保暖衣物夜晚著，同埋帶定個保暖既睡袋阿。
露營:
每一個營地既預計都會有固地既露營空間比你，同埋會有埋枱、起營火區比旅客。旅客可以係附近賣食品鋪頭度買啲肉，方便夜晚BBQ。呢度啲Campground既設計好齊全，Canyon同Grant Village Campground 係最好既營地選擇，有埋沖涼設施。黃石國家公園好大，建議大家轉下營地咁玩。
▲Canyon Campground既景色。
▲Bridge Bay Campground既景色。
▲Grant Village Campground既景色。
▲Fishing Bridge RV Park Campground既景色。
▲Madison Campground既景色。
▲夜晚時起個營火，抬高頭望住滿天星星，果種感覺真係好正，係香港露營唔會睇得到咁多星星，因為實在太多光害。
Campground Check In 方法:
去到營地都要去前台度做登記，會簡單咁問你幾條問題，例如: 會住幾多日？有幾多人？住露營車定係帳篷？同埋如果當日唔係好多人，而你都早到左你就可以揀Campsite既位置。另外，管理員會比一個貼紙你貼係自己架車上面，證明你地會係度露營，同埋會比張營地地圖同注意事項便條你睇。
營地附近3大觀光景點:
▲Norris Geyser Basin，距離Canyon Campground區約40分鐘。
▲ Canyon’s Fall，係黃石公園裡面最靚既一條瀑布。呢個瀑布有唔同觀景既位置賞，建議一定要到『Red Rock』及『Lower Falls』欣賞個瀑布。
▲大稜鏡溫泉，溫泉水面會呈現出藍、綠、黃、橙、橘等不同顏色。但要注意既係千祈千祈唔好過圍欄，如果跌左落去啲水係會熱死人。
去外地旅遊謹記要注意安全，唔好只係掛住「打卡」影靚相，爬啲唔安全既位置，最緊要安安全全咁觀光。
黃石國家公園
入場費用: 7天 Pass USD 35 (一架車+7個人)
地址: PO Box 165, Yellowstone National Park, WY 82190
文字來源：香港人.遊香港／圖片來源：＠goodtentcamp、＠wanderluv、@leavethemap、@monalshakya、@the_hard_way_photo、@t.an.s_photography、@discovertheworld.hk