呢間嚟自蒙古嘅全羊火鍋餐廳喺一月份已經係旺角開左分店啦，呢間餐廳係中國同外國都有分店，有質素的保證。另外佢仲標榜住自己係用六個月大嘅蒙古放牧羊，當羊既年歲越大，肉既羶味都會越重，所以呢度啲羊肉食落去會無咁重羶味。鐘意食羊肉嘅朋友一定要嚟品嚐一吓，同埋本身唔係好怕羊羶味既朋友都可以黎一試。 呢度地方超大有成三層樓高，坐位同環境係旺角嚟講係非常好，而且店內既火鍋係邊抽氣既設計，雖然飄住陣陣湯底香味，但係就全程都聞唔到油煙味。湯底一共有四種：藥膳湯、蕃茄鍋、麻辣鍋同酸辣湯，客人可以「雙拼」或者「三拼」。呢度除左羊肉火鍋之外，仲有蒙古炙烤、串燒等。最後大家如果真係想試可以5月31日前訂座，21:45後入座會有78折嫁！
▲羊羊大拼盤（$228）：呢個拼盤一共有3款羊肉，塔拉上快樂卷、滑嫩太陽卷、草原臻選大片羊。每款羊肉食落去口感唔同，同埋冇咩雪藏味，得好香濃既羊肉味。
▲爆醬三寶（$88): 一共有3款丸類，每款2粒，不過餐牌上係冇寫咩味道。
▲成雙鍋 -藥膳湯 & 酸辣湯($118): 一半清湯，一半酸辣，岩晒一大班朋友有啲唔係好食得辣既人一齊試。 兩款湯底好足料，淥完啲肉唔洗點任何醬汁都好夠味。
▲蒙式烤羊肉串($22串): 羊肉串燒到焦香，加上孜然粉食落去好香口。
▲嫩滑太陽卷 ($168)：每片羊肉都切得很薄，涮十多秒就可以放落口！
▲三層樓高，裝修係落地玻璃。Logo係隻羊，經過見到就知道呢間係專門食羊既餐廳。
▲呢間鋪係用電子點餐嫁，唔再手寫單叫野食，比較環境！只需要落單前Scan個QRcode就可以用你手機點餐。
快樂小羊火鍋餐廳
地址:旺角豉油街60-104號鴻都大廈部分地下至2樓
營業時間: 11:30 – 02:00
電話:23456898
文字來源：香港人.遊香港／圖片來源：@icarusng07、@kristelle_tal