「快速慢食」係咩玩法？葵芳友注意！呢間位於新都會廣場嘅型格漢堡店，餐廳靈感源自澳洲勇於嘗試的冒險精神，嚴選新鮮食材炮製出多款大膽創新的輕便美食。佢哋推廣嘅係「快速慢食」，即講求速度與效率的同時，對食物質素亦絕不妥協。出餐速度同一般快餐無異，但唔似大多數快餐由工場整定好再送過來，而是所有食物由切割到烹煮，都係自家廚房搞掂，加上用嘅都係上乘食材，難怪食落咁新鮮熱辣啦！
▲小編今次就試左「煙肉大爆炸芝牛肉漢堡」（$98），塊漢堡扒爆汁唔在講，濃濃嘅芝士味加上脆口煙肉，簡直係大滿足！
▲另一必食推介係「香辣火山脆蝦」（$56），辣味醒神而且啖啖脆卜卜，又抵死地配上爽口沙律菜，香辣脆口得嚟又帶點開胃清新！
▲餐牌選擇多！此店亦提供三款素食選擇，包括「Impossible™ 植物肉漢堡」$108、「Impossible™芝士植物肉意大利包」$108、「Impossible™植物肉芝士手工薯片」$52，滿足素食者需要外，亦吸引一些想食漢堡又怕肥嘅女士們，因為植物肉漢堡完全滿足哂食一般漢堡嘅感覺，但食完又唔會太滯而且脂肪含量相對少好多，配埋佢地嘅冷壓果汁就啱哂！
▲Impossible™植物肉芝士手工薯片 （$52）小編大力推薦佢地嘅手工薯片，好味到停唔到口，原來佢地由切薯仔到落調味料，都係由店內廚房一手包辦，難怪新鮮脆口到無朋友！加上勁似真肉嘅植物肉、芝士同pickles，口感層次出哂黎！
Aussie Grill by Outback (葵芳)
地址：葵芳興芳路223號新都會廣場1樓109號舖（港鐵葵芳站D或E出口）
電話：31681600
營業時間：星期一至日、公眾假期 11:00-21:30
圖片及文字來源：香港人遊香港