呢間隱世得泥又平既壽司開係青衣住宅區裡面，日日都爆場好受街坊歡迎。要食到咁高質既壽司鋪唔係咁容易，因為鋪頭好細，只係可以放幾張枱，鋪頭既裝修仲係充滿日式風味。
無論份量同味道都係比一般連鎖壽司店好! 係青衣都可以食到咁高水準又以平民價錢既壽司，實在令人覺得好驚喜。但任何事情也是沒有完美的，這裏的服務一般，若要吃到必須預早來電預訂菜單及位。所以都建議大家預早打去問下有冇位，如果可以就盡量係電話落埋單，咁樣就可以慳番等候食物既時間。如果去到先叫，店員會比張外賣紙你先落單，落完單先可以入去坐，不過要注意就係小店係無得加單同埋賣晒就會提早關門!
▲呢度既火炙壽司系列係必食之選，真係要比十個讚！！！火灸壽司上菜時，店員都會叫客人壽司唔駛再點豉油，因為已好有味。
▲火炙芝士玉子壽司($8一件): 玉子被燒到外脆內軟，表面仲有芝士焦糖醬汁，真係超級好味，絕對稱得
上係店內名物。
▲豪華卷($78 六件): 卷身上面有好多款魚生，例如: 三文魚、吞拿魚腩蓉、帶子、海膽、蟹籽。咁多種魚生放埋係一舊卷物上面，一口放落口果種感覺實在太豐富。
▲大滿足($48 一件): 用大紫菜包住，有吞拿魚腩蓉、三文魚子、海膽作配料，再配上特製的醬汁，一口放落口好滿足。
▲火灸白腩壽司($16 一件)、特大海膽壽司($30一件)：白腩係三文魚最肥美既部位，經火灸後會有一種魚油香味，放入口亦都有種入口即溶既感覺。海膽壽司鋪滿厚身既海膽，食落去好甜好濃味，推介!
▲火灸芝士三文魚卷($22 四舊)、火灸厚切鵝肝壽司($60 一件): 半生談既三文魚火灸後會有一種油香味，加上呢款仲有芝士鋪面，食落更加香，適合唔太中意食生魚生既人。鵝肝燒完之後更加香口，記得要趁熱時即刻食。
庭壽司外賣專門店
地址:青衣青敬路77號海悅花園14-16號舖
電話:24360802
時間:12:00 – 14:00、18:30 – 21:00（逢星期三休息)
文字、圖片來源：香港人.遊香港