年過80歲既婆婆一直係西環德記門口擺賣砵仔糕同糯米糍已街知巷聞，原來佢做左30年有多，近年就教個孫整兩款糕點，婆婆從旁指導，佢會將超多超多紅豆加入，再加入預先整好黃糖漿或白糖漿，再以慢火蒸熟，雖然聽落簡單，但係婆婆每日都落足心機，同屋企人合力製作出黃糖、白糖砵仔糕，仲有糯米糍！黎買砵仔糕既街坊都好多，街坊都讚婆婆整既砵仔糕清甜而且好足料落好多豆，紅豆食落軟綿，仲有起沙既口感！婆婆製作既花生糯米糍又同出面唔同，佢個形狀係扁扁地，質感軟熟。大家經過都不妨去支持下婆婆呀！
相關文章：
【打工仔遊客都like爆！客家口味糕點+多豆砵仔糕！】
【港味小食變奏！全天然色素七彩砵仔糕！】
【密集恐懼者！勁多豆砵仔糕！】
▲位於西環德記擺檔既婆婆有唔少捧場客，黃色砵仔糕（$5/個）以黃糖製作，加入超多紅豆！即時食仲食得到砵仔糕暖暖地而且帶米香！
▲婆婆風雨不改到擺檔，佢話鐘意落黎同街坊吹水，依家大部份複雜工序都交左比d後生既，婆婆可以唔駛咁辛苦！好多人經過都至少買4－5個同家人同事分享！
▲當客人order時，婆婆先係盛載瓷碗內砵仔糕用竹籤奉上。
▲除左紅豆砵仔糕，仲有紅豆糯米糍，用了自製紅豆蓉做餡，又香又軟熟！
阿婆砵仔糕
地址：西環堅尼地城卑路乍街3號G益豐大廈地下
文字來源：香港人.遊香港／圖片來源：@foodieseira、@manchan823、@hsyw、@sa_fooddiary