大角咀不嬲都好多野食，位於埃華街有間水餃小店，水餃有韮菜、粟米、白菜香菇、椰菜雲耳、雲吞，招牌靚湯底強調不含味精！逢星期一、三、四、五、日供應花膠螺片豬骨鮮椎山煲老雞湯，另一款野葛菜煲新鮮豬骨煲生魚湯就星期二、六供應！的確，湯份量多而且油份不重，完全無味精，食完易入口又細細粒水餃，仲可以飲埋d湯！
▲鮮肉椰菜雲耳餃 ($40/10隻) 餃子皮唔算好薄，菜鮮肉甜
▲鮮肉白菜香菇餃 ($40/10隻) 店家標榜健康，連餃子餡都唔會好重味！
▲食餃子真係要記得落埋菜脯先得！
▲口水雞辣汁香辣帶勁，微酸帶麻辣，集麻辣、鮮香、爽嫩於一身
靚湯水餃
地址：大角咀埃華街103號地舖
文字來源：香港人.遊香港/圖片來源：@recordforfoodjourney、@t.r.a.c.y.li、@ross_suen