好邪惡！
葵芳有間唔算起眼既錦榮餐廳，普通茶餐廳格局，但係呢度出品嘅名物芝士肉醬通粉就非常出名，小編食得多肉醬意粉，肉醬通粉真係第一次見！擁有豐富既肉醬料，加上芝士份量好多🧀，用熱辣辣鑊仔上，每粒通粉都掛滿肉醬、蕃茄、芝士！聽到覺得肥，上枱輕輕用叉子一舀，就可以拉出又長又唔斷嘅芝士絲，肉醬汁配上通粉非常入味！讚！
▲下午茶時段：芝士焗肉醬通粉＋凍飲($32)每啖通粉包滿邪惡芝士，拉起芝士絲咁🧀，加上有大量酸酸地既蕃茄，都幾好開胃！
▲通粉最上面就是芝士，焗過的芝士和肉醬把通粉覆蓋住，食落肉醬口味都唔錯！
▲邪惡既又點止得通粉呢，想食返芝士肉醬意粉都冇問題！
▲除左邪惡既通粉，仲有呢個必食特式煎蕃茄咸牛肉三文治 ($29包熱飲/下午茶)！麵包用牛油煎香，外層香脆充滿牛油香，而且富有份量十足咸牛肉。
錦榮餐廳
地址：葵芳仁芳街美豐大廈 12 號地下 6 號舖
時間：06:15 – 19:15
文字來源：香港人.遊香港／圖片來源：ricky_tt suymmserh lokrry