呢間16－17年獲得米芝蓮推介既泰國菜至今仍大受歡迎，餐廳位於小巷中，店主來自泰國東北，煮出黎美食口味正宗，當中雞飯真係有泰國當地風味！不得不提港人最愛、share食最合適既串燒，沙爹醬汁花生味濃郁，口感帶甜，燒得入味咬落都好juicy！
▲冬蔭功湯（＄45）使用大虎蝦同香料熬製而成，份量十足，味道有層次，時而帶辣及酸﹐後勁帶甜！
▲呢度串燒（＄12／串）選擇都幾多，有豬、牛、雞、雞腎、雞翼選擇。全部都燒得外脆內嫩，加埋秘製沙嗲醬好惹味！
▲泰式金邊粉（＄60）幼細彈牙，以用茄汁炒底，炒得有鑊氣，食落亦香口惹味！
▲泰式海南雞飯（＄42），雞肉嫩滑，雞皮都唔肥易入口！
▲脆豬海南雞飯（＄48），脆豬炸得卜卜趣，非常香口！
旺泰特食 Sawaddee Thailand
地址：香港新界西貢福民路 58-72 號高富樓地下 15 號舖
文字來源: 香港人.遊香港/圖片來源：@popowp、@sumyee_622、@ottoyip、@foodtai_g_