天氣凍凍地食咩暖胃又飽肚？呢間位於太子既麵館主打平民雞湯翅，雞湯底真材實料冇味精，真係有翅有花膠架！招牌藥膳醉雞麵都冇花冇假，藥膳湯底足料味濃，飲埋個湯底真係又補又暖胃！醉雞都肉質嫩滑，個陣酒味食一啖就已經feel到血氣都湧緊上黎！麵底可以配刀削麵、米線、米粉、粉絲等，同樣入味煙韌！係冬天進補首選！
▲砂鍋雞湯翅半隻$118，湯底用足十個鐘去煲，冇添加味精，而且真係有翅架！
▲藥膳醉雞米線($52)價錢親民，雞肉大大件十分飽肚，加埋藥膳湯底料多濃郁，十分滋補，記得飲多幾啖湯啊！
▲刀削麵都係個唔錯既選擇，吸收晒湯底既精華，口感又夠煙韌有嚼勁
▲小店選擇唔算太多，但勝在樣樣都真材實料冇味精
▲店內環境唔算大，但都算坐得舒服唔會迫，繁忙時間去就要比d耐性等下位了！
樂湯雞麵館
地址：太子白楊街9號基隆樓地鋪
電話：2328 6200
營業時間：星期一至日 12:00nn-10:00pm
文字來源: 香港人.遊香港/圖片來源: ＠_hungrymeowhk_