fbpx

【聖誕預告!赤柱廣場芬蘭聖誕市集2018】

聖誕既赤柱廣場特別有氣氛!佢地舉辦芬蘭聖誕市集主題都唔係第1次,今次仲有美食精品攤位真係多到數唔哂!仲帶黎巨型北歐聖誕靈羊同7 米高神秘蘑菇呢d大型靚靚裝置比大家打卡影相,唔少得就係精靈大街攤位主要係售賣芬蘭經典美食同聖誕特色禮品。

赤柱廣場-芬蘭聖誕市集 打卡位

▲巨型閃炫北歐聖誕靈羊,打卡位閃令令咁,充滿芬蘭 色彩的特色圖案及得意小精靈,相信呢個位一定好吸引!

▲神秘蘑菇形精靈之家,好似被魔幻森林包圍著,好有奇幻氣氛!

赤柱廣場-芬蘭聖誕市集 必買必食

▲值得留意係,呢個聖誕市集係提倡借用環保餐具!

▲有超萌毛孩寵物主題,大家可以帶自己狗狗過黎!

▲黎到美食篇喇,呢個藍莓芝士三文治睇上黎平平無奇,實際藍莓醬真係好多,加埋一片咸香芝士中和佢地甜膩感!

▲薯角配熱狗

▲德國香腸

▲有野食,點少得有野飲?中間果杯香橙朱古力係用芬蘭朱古力打成,朱古力口味芳香濃郁!仲有好多現打果汁特飲!

▲麵包配蔬菜燉肉

▲酸菜配咸豬手

▲巨型香橙豬腩肉串燒

▲芬蘭風味必食Carbonara

▲多款特色餐具、小家品及裝飾等

▲全新極光小夜燈、極光香水及蠟燭

▲傳統聖誕市集必買聖誕曲奇及朱古力

赤柱廣場芬蘭聖誕市集

日期:2018 年 12 月 8 – 9 日及 15 – 16 日 (一連兩個星期六及星期日)
時間:下午 12 時至 8 時
地點:領展赤柱廣場天幕廣場及美利樓地下

文字來源:香港人.遊香港/圖片來源:赤柱廣場

Close Bitnami banner
Bitnami