以為白飯任裝得canteen先有？今日小編發現原來位於長沙灣呢間日式料理店都有！黎得呢度大部份食客唔係食吉列豬扒就係鰻魚飯。吉列豬扒炸粉薄薄鋪上一層，食落香口鬆化，而微焦脆口既鰻魚，肉質肥美，兩樣都令人食指大動。最最重要係呢度 白飯同沙律都係無限添加，吃貨唔怕唔夠食！
▲吉列豬扒飯定食($98)豬扒表面炸成金黃酥脆，豬肉厚實嚼勁十足，油脂肉味十足。
▲蒜香醬漬三文魚丼($68)對於三文魚控黎講係福音，真係超抵食！丼飯一半鋪上新鮮三文魚刺身，另一半鋪上蒜香醬漬三文魚粒，性價比極高！
▲鰻魚飯定食($88)鰻魚外皮燒至微焦脆口，肉質肥美可口，食成舊都唔覺肥膩！
▲吉列豬扒飯定食($98)套餐包括沙律、日式蒸蛋、麵豉湯同白飯，當中沙律同白飯仲係任添。呢度老闆非常重視食客健康，因此沙律菜取材亦非常新鮮。
大丈夫食堂
地址：長沙灣福榮街541號地下
電話：23380780
營業時間：11:30 – 15:00，18:00 – 22:30
文字來源：香港人.遊香港／圖片來源：sgirl886、rubibi、irischanpy、emilie_wy