估唔到新加坡咸蛋熱潮會延續到蛋撻！鐘意食咸蛋小食既朋友更加唔好錯過！呢間蛋撻專門店推出過榴槤蛋撻，同樣掀起話題！咸蛋蛋撻既做法係先係係牛油撻底加入普通蛋漿，再加入咸蛋黃醬焗香，咸香起沙既蛋黃醬超有口感！
▲黃金咸蛋蛋撻（$10）食落咸香咸蛋黃完全起，加埋香脆牛油撻底感覺勁邪惡。
▲黃金咸蛋蛋撻（$10）好多網友都表示咸蛋蛋撻口味同奶黃月餅差唔多，先做好一個普通蛋撻，再加埋佢地店家秘製咸蛋醬一焗香，滑滑蛋撻上面多左一層咸蛋黃。
▲榴槤蛋撻（$9）榴槤蛋撻採用馬來西亞優質榴槤，奶香榴香融在一起，而且相輔相成，未食榴槤蛋撻，嗅覺已經投降。
▲酥皮蛋撻（＄7）原來酥皮製作一d都唔hea！不斷重複將水皮同油皮摺疊成384層，再以機器壓成蛋撻狀，再加入濃滑蛋漿烤焗。
蛋撻王
售賣點：蛋撻王所有分店
文字來源：香港人.遊香港／圖片來源：@jjanlsc、@fishbbma、@hayheyman、@jennifer_wjf