位於旺角豉油街呢間日式丼飯店，出名使用新鮮食材堆砌成視覺驚人丼飯，堪稱呃like神器！但係雖則魚生刺身用料新鮮，油脂可口，但係食得多都會滯，今次呢間店以superfood牛油果入饌，創出「Go Green‧Go Veggie」為主題牛油果丼，卡路里大大減低，真係減肥都食得呀！
▲北海豐盛丼($198)真係如其名超級豐盛，係芸芸咁多丼飯之中係最抵食既！丼飯冇平日果d咁大碗，不過就鋪滿帆立貝、三文魚籽、海膽、左口魚裙邊同埋赤蝦, 三文魚籽粒粒豐盈，咬落去魚油溢出！左口魚裙邊經火炙左口魚裙邊更顯鮮味，海膽同赤蝦都鮮甜十足。
▲牛油果丼($198)以牛油果拌入製成沙律醬，既有營又開胃，再來真材實料松葉蟹腳海水味濃，食落肉質彈牙口感扎實，味道細緻鮮美，仲有醬油漬秋葵，口味清新。
▲燒牛油果($35/客)燒過既牛油果口感非常順滑，竟然會有種奶香味，較生牛油果更濃郁。
▲北海道白粟米($58/客)日本北海道產地直送白粟米，甜度一般高達17 度或以上，小編第一次食超有驚喜！口感超爽而且香甜多汁，食完小編勁有衝動飛去北海道食到飽！
爆丼屋
地址：旺角豉油街50號地下8號舖
電話：23322918
文字來源：香港人.遊香港／圖片來源：香港人遊香港