[博客授權分享: 呀劍萬帥 親子旅遊 攝影札記] 邊個話小朋友唔玩得大人場！今次就同兩個細路去咗開業有一年多的BALL ROOM，除咗荔枝角分店，喺觀塘仲有兩間店設不同主題，裡面有各樣得意好玩的遊戲，其中一樣仲有今屆冬季奧運會新增的冰壺遊戲，大家不如今個新年考慮下一家大細嚟呢度玩番日啦！
▲BALL ROOM在香港已有3間店，今次去到位於觀塘的2間店，一間位於駱駝漆一座，一間位於永興工業大廈(The Wave側)
▲我哋先到永興工業大廈的BALL ROOM玩玩，其實每個BALL ROOM都有一個Signature的遊玩設施，這個桌上足球POOLSOCCER®就係觀塘1店的生招牌
▲玩法就同美式桌球一模一樣，只係唯一唔同嘅地方係用腳踢取代用Q棍。
▲遠睇又真係幾似一粒粒桌球
▲其實以往舊屋企會所有一枱桌球，唔知係咪細細個手抱已經接觸，所以大個之後雖然冇咩點玩，但係一見到已經好興奮，未打機前幾乎都黐住張波枱。
▲觀塘1店這裡還設有一個桌上沙壼SHUFFLEBOARD
▲BALL ROOM有好多Board Game，同埋場地空間好大，有足夠空間同班朋友慢慢玩。
▲最後臨離開前先至開部PS4俾佢哋玩，因為明知如果一開始就打機，其他嘢就唔駛玩。
▲這裡的Signature Game係桌上冰壺CURLING，整個賽道非常之長！每個冰壺都超重，千祈唔好走去嘗試拎起佢，如果唔係一陣閃親就弊傢伙。
▲玩法好簡單，只要大力將個冰壺推到分數圈內，累積分數最高就贏啦！
▲挑戰完冰壺之後，我哋去到隔離的電流捧 ELECTRIC ROD，我細個成日睇一個日本節目玩電流棒超好玩，所以今次好期待可以有得玩。
▲之後我哋再玩呢個好似輪盤的遊戲，叫做「旋轉層層叠」
▲亦設有電子飛鏢靶，可以同小朋友來一場對戰賽。
▲這裡除了有PS4這些電玩外，仲有個街機模擬器用Joystick玩。老闆教佢哋那個掣是輕拳那個是重腳，我看都是嘥氣吧！佢哋最後咪又係亂打。
＊此文章由呀劍萬帥 親子旅遊 攝影札記授權分享，原文網址：【親子好去處】BALL ROOM
Ball Room
電話: 5405 4579
地點: 觀塘 (KT1) 觀塘興業街14號永興工業大廈12樓C1室 / 觀塘 (KT2) 觀塘開源道62號駱駝漆工業大廈1座10樓A室
開放時間: 12:00 pm – 12:00 am 『敬請預約』
網頁: http://theballroom.com.hk
文字整理：香港人.遊香港／文字及圖片來源：呀劍萬帥 親子旅遊 攝影札記