主頁 好地方 【攀山澗水!挑戰難度!橫涌石澗龍珠瀑!】

【攀山澗水!挑戰難度!橫涌石澗龍珠瀑!】

[駐場博客 @小牛牛快樂行山郊遊相集by Chan Keung]天氣悶熱,最適合走走石澗,今次介紹九大石澗之横涌石澗,呢度有高聳入雲嘅龍珠瀑, 更有清澈嘅霜碧潭,有幾靚? 即刻去睇睇啦!

橫涌石澗 點去?

由大埔墟乘坐20R小巴,出發前留意返開車班次,因為隔成個鐘至有一班車架。坐小巴經過大尾督,下一站就到達新娘潭燒烤場,呢度落車再過對面馬路,行多一小段路,見倒有條石樓梯,就係橫涌石澗入口,沿樓梯落到底進入石澗, 入口好開掦,水質尚算潔淨, 流水中中,旁邊有一條山徑,如果唔想濕腳,可以沿山徑直上,初段路況簡單易行。

龍友最愛影!天然三層瀑布!

爬過幾段斜坡,就見到有一個小瀑布和大水潭,環境優美,打卡後繼續上路,小河流中有好大塊石頭,可以在大石上横過水道,不過要加倍小心,因為石面濕滑,容易跣低! 攀升咗一小段之後,再發現多個大小水潭,又有多個瀑布,其中有D瀑布底部,仲有多個大小壼穴,一個個石窿形狀相當有趣,有D仲大到可以成個人坐入去添! 拍照後繼續攀上,走到另一開掦位置! 喔! 係一道三層瀑布,好靓呀,小編立即攞部微單相機出嚟,用慢快門拍攝瀑布,可以拍出絲絲效果。拍出靚靚效果相當滿足,之後走過幾段山徑,發現多嚿巨石,形成一個天然大水潭,再抬頭一望上去, 一道超過百多尺嘅大瀑布就在眼前, 大量水沖落水潭,造出大量水花,呢度就係横涌石澗第一個景點~龍珠瀑,好宏偉喔! 影完相後可以靠左手面有一段比較斜嘅山坡,呢度要好小心攀上,可以拉住樹根借力,亦有扶手腳踏位,只要小心爬,都不太困難跨過, 途中發現一個掛在樹上嘅螞蟻巢穴,切勿觸摸,避免比蟻咬喔!

繞過龍珠瀑之後再走一段石坡,又發現一道人工水閘,水質清澈見底,呈現碧綠色,可清楚見倒魚仔小蝦游來游去。繼續再走一段山徑,卒之到達霜碧潭,呢個潭深不見底,通常都係行山隊大休好地方,小編正打算落水之陣,突然雷雨交加,安全起見,立即㝷找另一小徑通住八仙嶺自然教育徑走人,呢度早前被火燒過,好多樹枝都焼到光禿禿, 雖然係咁,但係又呈現另一種景象,感覺好特別,啱啱又一層薄霧飄過, 望落去好似仙境一樣, 呢個畫面都係首次見到,相當之靚喔! 最後好快落返到去起點,搭小巴返去大埔完成旅程。

▲由大埔墟公共小巴站乘坐20R小巴經過大尾篤再到達新娘潭燒烤場落車

▲過石級就到達橫涌石澗入口初段開揚而山澗旁邊有石徑進入

▲小河中間有多塊巨石可以從石面上渡過小河-但必須留意石面上比較濕滑前進時必須小心

▲行咗唔係好耐就見到第一個小型瀑布可以用慢快門拍攝呈現出絲絲效果

▲影完相後繼續向上攀升

▲路況有點崎嶇但唔難應付

▲沿途發現多過大少壼穴其中有啲大到可以容納一個人坐入去

▲三層瀑布相當壯觀

▲旁邊山徑

▲龍珠瀑打卡熱點

▲龍珠瀑是横涌石澗其中ㄧ個出名嘅景點

▲由於龍珠瀑太高所以唔可以正攀可以從左手邊有一條山徑可以繞過但係呢條山徑比較斜所以要小心慢慢爬

▲不斷向上攀旁邊有好多樹藤可以用來借力

▲爬呢條山徑必須要小心

▲繞過龍珠瀑繼續爬大石向上走

▲近人造水閘前有ㄧ個大水潭.

▲巨石下的ㄧ個大壺穴

▲人造水閘清澈見底

▲水潭內呈現的綠色可以清楚見到魚仔蝦仔遊來游去

▲水閘前倒影好靚

▲發現ㄧ個蟻巢切記不可觸碰

▲突然雷電交加沿山徑切退

▲經過一段剛剛被燒過嘅山徑-雖然光禿禿但係又有另一種感覺-落去八仙嶺自然教育徑突然之間又有一陣霧飄過好似仙境一樣

橫涌石澗

路線: 新娘潭燒烤場>横涌石澗>龍珠瀑>霜碧潭>八仙嶺自然教育徑>新娘潭燒烤場
全程約4公里 需時約4小時

注意:
⚠石澗有定危險性,新手不宜
⚠必需有熟練行石澗經驗人仕帶領
⚠愛護郊野清潔,人人有責,自己垃圾自己帶走

文字/圖片來源 :小牛牛快樂行山郊遊相集by Chan Keung

熱門文章

旺角美食:【新打卡熱點!旺角新開露天法式咖啡店!法國進口麵包甜品+三層架下午茶+健康菜式】- Cafe Cheri

旺角新開一間休閒露天法式咖啡店「Cafe Cheri」,餐廳環境開揚寧靜,種植多種綠色植物,仿佛在鬧市中的一片綠洲,好適合假日來放鬆一下。Cafe分別有戶外及室內區,以落地玻璃相隔,採光度十足,配合金色雲石紋檯面更顯優雅。餐廳設有透明糕點櫃,近乎九成西餅麵包及糕點均由法國進口,用料不馬虎。

土瓜灣美食:【停留在舊時光!橫跨半世紀的冰室!菠蘿油+鮮牛肉麵!】- 永香冰室

這間位於土瓜灣的懷舊冰室,已經屹立超過半世紀,冰室的餐單選擇不算很多,但最經典的鮮牛肉麵、餐蛋公仔麵、和菠蘿油都有,而且十分便宜,如果只吃不喝,大約$20就一餐!

都市熱話:【日式連鎖蛋糕店Châteraisé超人氣甜品!即叫即燒法式焦糖瑞士卷+紅豆抹茶卷】

日式連鎖蛋糕店Châteraisé最近於全線分店(部份分店除外)推出法式焦糖瑞士卷,法式焦糖瑞士卷分別有原味及紅豆抹茶味,兩款口味賣相都好吸引!店舖的瑞士卷以日本自社契約農場雞蛋及鮮忌廉製成,用上招牌原味及紅豆抹茶瑞士卷,再擠上幼滑香甜的吉士醬,然後撒上砂糖,最後為客人即場燒瑞士卷,令瑞士卷上的砂糖變得甘香又焦脆,而吉士醬亦有半流心效果,十分吸引,大家都不妨試試啦!

便利店美食:【711推出雀巢黑糖波霸雪米糍!軟糯外皮+香滑雲呢拿雪糕+香甜珍珠】

黑糖波霸鮮奶就聽得多,黑糖波霸雪米糍你又試過未呢?而7-Eleven便利店最近就推出「雀巢黑糖波霸雪米糍」,雪米糍用上糯米皮包著雲呢拿雪糕,再配上黑糖波霸珍珠夾心,感覺就好似將黑糖波霸鮮奶化身成一道甜品,聽個名就覺得幾吸引,至於味道又如何?立即睇試食報告啦!

香港好去處:【2022年新年精選5大打卡位!《癲噹》聯乘《小突兔》+重遊日本名勝+樂高限定店】

以下精選全港5大新年必去打卡熱點,包括有台灣人氣角色「江大叔」、《我不是胖虎》、日本角色《Usagyuuun小突兔》聯乘本地卡通人物《癲噹》的巨型裝置,以及有樂高期間限定店和「藝.日本」打卡佈置,各個地點的佈置及場地都充滿新年氣氛,今個農曆新年不妨帶同親朋好友一齊去打卡啦!

香港好去處:【港日人氣角色《小突兔》聯乘《癲噹》登陸馬鞍山!全新賀年點心造型+10大茶樓喜慶場景】-新港城中心

MOSTown新港城中心中庭搖身一變成為期間限定的『籠』鳳茶樓,來自日本的超人氣角色《Usagyuuun小突兔》及本地卡通人物《癲噹》穿上紅噹噹的侍應服裝恭迎大家,大家可玩轉茶樓內10大展區,兩大可愛角色帶同好友以百變搞笑的吉祥點心造型,與大家暢遊6大喜慶場景,迎接好運齊來的新春福氣,大人小朋友更可以大玩互動遊戲!
Close Bitnami banner
Bitnami