呢度既熱狗其特色除左有雙腸呢個選擇之外，其秘製沙律醬更是靈魂所在！多次媒體訪問老闆都堅拒透露做法，蛋黃醬肯定同市面既唔同！唔止個醬係特製，腸仔都係特意選用荷蘭嘅雞肉腸，肉質當然較具彈性，加上烘得微熱既鬆脆麵包，係個100分下午茶小食。
▲雙腸熱狗皇($18) : 沙律醬內餡混入酸黃瓜碎粒、芥末粉、牛油、蛋黄、醋、酸瓜，每日新鮮製作用攪拌機打足一小時，為求做到忌廉般的輕身效果。
▲雙腸熱狗皇($18) : 呢隻荷蘭進口的ZWAN 香腸，同普通既廚師腸有點唔同，雞肉與豬肉混合熱狗腸，特別彈牙，食落都唔會死咸。
▲雙腸熱狗皇，堂食連飲品($38) : 小編建議買外賣，平d同食得有風味d！
▲其實呢度除左熱狗之外，呢度都有邪惡西多士選擇！烘至完美金黃色多士令人愛不釋手。
永樂園餐廳
地址：中環昭隆街19號地下
電話：25220965
營業時間：星期一至六7:30am-7:30pm(星期日及公眾假期休息)
文字來源：香港人.遊香港／圖片來源：billywong0, felixyim, jasminelsn，foodcomasoldier