15放假未Plan活動可以考慮一下🌯！
長假期一連幾日，留喺香港去邊好？去深水埗墟市掃街啦！之前通州街搞個新春墟市大受歡迎，好多地道小食都極速賣哂。今次墟市主辦單位再接再厲，邀請咗總共24個熟食攤檔提供超過50款小食/飲品，同場仲會有表演！要Mark定時間啦！
▲長假期去邊好？去深水埗墟市掃街啦！
▲墟市有至少50款小食飲品售賣。
▲當中有不少地道小食如狗仔粉、蠔餅等，可以同家人朋友一齊去開餐！
▲3月31日至4月1日過黎同大家一齊感受濃濃人情味，一家大細趁墟歡渡復活節啦！
一家大細齊趁墟
日期：2018年3月31日 – 4月1日
時間：15:00 – 22:00
地點：深水埗楓樹街遊樂場
文字來源：香港人.遊香港／圖片來源：重現街道熟食文化關注組