唔只人要Chok～雞一樣要Chok🐔 呢間葵廣炸物店除咗即叫即炸之外，仲可以俾人任落味粉，總共有六款咁多，自製心水口味無難度！佢地仲會不定時推出期間限定款式保持新鮮感！繼炸餃子之後，即將推出嘅係炸午餐肉！好期待呢👍
▲Chok雞仲咗係即叫即炸之外，仲可以自製心水口味添，可以落嘅味粉有 有避風塘蒜香、香濃芝士、特級香辣、印度咖喱、五香孜然同埋香濃可可粉。
▲合埋個蓋盡情shake shake shake之後就完成啦！呢個Chok套餐A ($45) 總共有3件雞翼、3件雞槌同3件雞件！Chok完之後，皮依然香脆，肉質夠嫩仲可以見到肉汁添，超正！
▲香脆雞軟骨 ($20) 細細粒，食落果然爽脆，配上味粉好滋味，一啖一粒好快清晒！
▲除咗招牌Chok雞之外，佢仲有好多小食可以Chok㗎，好似燒賣同埋期間限定嘅餃子咁！而最新一期嘅期間限定款就係炸午餐肉喇！煎午餐肉就食得多啦，炸真係好少食，再加埋唔同味粉，真係有種煥然一新嘅感覺呀！
Chok雞
地址：葵芳葵富路7號葵涌廣場3樓3069-T18號舖
電話：9253 1995
文字／圖片來源：香港人.遊香港