築地老店口味！
豬骨湯麵就食得多，鰹魚湯拉麵真係好少食，呢間拉麵店係老闆離開豚王之後，開左幾間唔同口味既拉麵店，而呢間位於深水埗鴨記既鰹魚湯拉麵店，使用上築地「伊勢啓」直送既鰹魚熬成，湯底既濃郁又鮮甜，絕對真材實料！
▲鰹の一滴($78) 拉麵湯底係用上東京築地百年老店「伊勢啓」既直送鰹魚，湯底熬煮3個鐘，除左鰹魚之外，仲有大量雞骨、昆布、日本菇等材料。
▲拉麵送上來，湯真材實料鰹魚湯底呈偏深色，配上自家製拉麵、叉燒、味筍同半熟味蛋等配料，最後伴以紫菜及鰹魚絲！拉麵另一重點係低溫慢煮4至6小時叉燒，口感唔會好乾身，入口柔軟溶。
▲黑の一滴($98) 同鰹の一滴不同之處係，黑の一滴多左一小撮黑松露，唔好睇少呢少少黑松露，佢足以令湯底昇華，愈飲愈想飲，每一啖都充滿淡淡黑松露香氣，食哂拉麵一定要飲哂d湯！
▲雞の一滴($78)呢隻湯底係每日限定，呈奶黃色湯底，濃度似磨菇湯不過又唔算太油膩，雞味濃郁。
鰹の一滴
地址：深水埗鴨寮街30B地下（近太子）
時間： 12:00pm-15:00pm，18:00pm-21:00pm （星期一休息）
文字來源：香港人.遊香港／圖片來源：saiwall、lwlfoodie、guile