好用心嘅喇沙!
食馬來餐個陣，唔知大家會唔會糾結食海南雞好定食喇沙好呢，因為兩樣菜基本都係分開。而位於鰂魚涌呢間馬來餐廳，就可以滿足呢個願望，有個海南雞喇沙，好想兩樣一齊就要黎試下啦。
▲海南雞喇沙($78): 海南雞配喇沙呢個組合真係夠晒特別少見，雞與喇沙係分開上嘅，而呢個喇沙湯味道好濃又香，但係比較辣，而另一個主角海南雞就好嫩口，份量都唔算少。
▲海南雞飯($70): 馬來菜主打點少得海南雞飯，海南雞好嫩口，而份量都多，點埋醬食特別惹味，油飯同海南雞非常夾，一啲都唔油膩，好食。
▲魚蛋魚片喇沙($65): 特別在於有溏心蛋，食落暖暖地，好正啊! 而啲魚蛋同厚切魚片都要勁彈牙，湯底都係較辣味同好濃。
▲新加坡炒貴刁($75): 有各種種類嘅海鮮，仲要size幾大，一睇就知非常足料，而且好入味又辣辣地。
▲麥皮蝦($168): 啲蝦有手掌心咁大，真係正，麥皮嘅外皮食落好脆香口,，仲會鹹蛋黃味，而且肉質彈牙，就知夠晒新鮮。
隨心With Your Mind
地址：鰂魚涌海光街12號地舖
電話號碼：21173588
營業時間：11:00 – 22:00
文字來源：香港人.遊香港／圖片來源：eileeeentan、corine222、foodie_birdie、withyourmind、veragee