旺角近近地，黃金時間(1930~2130)每位158蚊，7點半前結賬或9點半後入座再平20蚊，2.5小時任飲任食，都咪話唔抵。宜家睇下係咪真係食得過！
▲店內燈光火猛，亦不見十分擠逼，2人邊爐定大圍食飯都無問題！
▲場內前後有2組雪櫃無限供應啤酒汽水同當日湯水，唔使次次攞飲品都由尾行到頭，夠哂細心
▲睇埋任食火鍋料：基本熱門火鍋料全齊，牛肉魚片手打丸都有幾款你揀。最矚目一定係湯底都有10款，一啲都唔馬虎
▲小編點咗鯊魚骨猴頭茹湯、泰式冬陰功及鮮茄薯仔豬軟骨湯
▲湯底非常足料，直情可以當湯飲
▲舖頭會按每枱人數俾返相應份量，可以盡情試多幾款料
▲手打系列及肉餃雲吞同出面一樣水準，唔會因為任食就俾少啲餡
▲小編覺得手切牛肉有意料之外既驚喜，有牛味及有彈性
▲滑牛肉嫩但就有啲根
海鮮方面味道有啲遜色，其他都係水準之內，何況仲有任食手打系列，10款湯底。所以依個價錢依個質素係旺區黎講都係唔錯既選擇！
好一鍋海鮮火鍋專門店
地址：旺角彌敦道628號瓊華中心11樓
地址：佐敦彌敦道219號莊士倫敦廣場8樓
文字來源／圖片來源：香港人.遊香港