香港人愈食愈辣！
尖沙咀新開咗間重慶火鍋，本身原來已經係國內有成50間分店，主要都集中係重慶，今年終於開到黎香港啦！負責人話佢地為咗確保原汁原味，所有材料都黎至重慶，最重要既湯底都一定係啦！到咗香港既唯一唔同就係分咗大中小辣同埋有啲地道火鍋料啦~
▲食重慶火鍋必需要知，九宮格係將火鍋劃分咗唔同火力區域，等食材可以得到最合適既火力
▲原來正宗既重慶火鍋係唔點鼓油。店舖會提供一罐麻油，按自身喜好可以加鮮椒、鮮蔥、乾蔥同蒜蓉
▲店舖最特別之處係有隻辣油小熊每日限量贈送，記得早一日預訂！
▲首先我地等煲水滾咗……
▲跟住就可以放隻熊入去啦！
▲唉呀呀呀
▲咁就無咗lu
即使加咗咁大舊牛油都唔覺個鍋多咗好多油，貪玩既朋友可以試下呀~呃下like都好
跟住，會為大家講下店家推介係咪真係咁值得推介
▲手打三色丸，入面有蝦丸、墨魚丸同豬肉丸，樣樣都新鮮打成，足料彈牙，值得一試
▲小編幾鍾意依個黑松露鮮蝦雲吞
▲咬開雲吞可以見到入面既原隻蝦仁同埋黑松露。不過配麻辣火鍋有啲浪費，麻辣味會掩蓋咗黑松露味，秘製麻辣鮮肉餃係唔錯既選擇
▲特級桂花蚌係必點！！吸哂湯汁精華不突止，仲十分脆嫩，有豆腐花咁滑但又帶點脆，係必食
▲新鮮牛柏葉(毛肚)，牛柏葉不韌但又未至於爽脆，勝在夠大塊
▲秘製巴蜀辣味牛腩條，咁大舊肉都唔會覺得韌，放落麻辣火鍋一轉後入哂味，非常惹味，啱哂食肉獸！
▲想再稔啲可以試下依個秘製辣辣巴蜀牛肋粒，店家爆到3成熟度，想熟啲可以放入鍋滾下，滾完都一樣咁嫩口！
▲老閭娘串串牛肉，肥牛配酸豆，味道好特出！不過小編覺得分量有啲少(三串)……
▲秘製豬大腸(後)、秘製豬手，兩樣都係香港店先有。鹵水黎，不過未炆稔，要一早放入鍋慢慢煮
漲格重慶老火鍋
地址：厚福街12-12A號1 樓藍馬商業大廈
開放時間：12:00–23:00
電話：3705 2797
文字來源／圖片來源：香港人.遊香港