平靚正 ！
通常出街食切雞或油雞燒味飯，雞肉的份量並唔多。想食足料雞飯，可以入元朗食。位於元朗一間叫麵檔，因價廉物美的霸王雞飯而引起元朗人經常幫襯多年。小店主打三款雞，包括鹹雞、霸王雞和豉油雞。霸王雞係以白切雞加上特製醬油、炸蒜及薑蔥辣椒組成，薑蔥炸蒜跟雞肉一起放入口有著特別口感，嫩滑滋味。
▲霸王雞菜飯（日間：＄54／晚市：$56），調味料十足，加咗幾多豉油，但係食落又唔係好鹹，雞肉最底部收埋已吸收霸王雞精華的芽菜。菜飯唔會太濕爛，而且份量都多，適合一眾男士們。
▲除咗叫菜飯，唔想食咁飽，都可以叫waiter轉粉麵，例如米線，價錢都係一樣。
▲鹹雞菜飯（日間：$83/晚市：$85），聲稱採用新鮮農場雞。以粗鹽塗抹醃製，再原隻蒸熟，比起兩款口味雞肉，係冇落調味材料。以一份簡單風味打動食客，唔想撥開大量的炸蒜和蔥絲，可以選擇呢款。
▲想食更辣的朋友，可以叫巴辣雞菜飯(日間：$54/晚市：$56)，顧名思義係幾辣，簡呢款食之前要慎重考慮。
過橋麵檔
地址：元朗建德街25號大福中心地下1號舖
電話：2449 4810
文字來源：香港人.遊香港／圖片來源：georgefok、imnotafoodaholic、emi.lky、saiv_chow
—————————————————————
相關文章：
【西貢神級海南雞！】
【工廈有美食！去骨海南雞專門店！】