自南港島線開通後，越來越多人到黃竹坑覓食！隱藏於商廈嘅Chopsticks Fork n Knife，距離港鐵站只需兩分鐘，極方便！睇店名都知道，佢係中西合璧，西式如Risotoo，中式如擔擔麵甚至日式如便當呢度都有，岩曬多心鬼！
▲餐廳隱於商廈，門面雖小，但真正踏入餐廳後，空間感唔錯，晚餐時段人流亦唔算多，坐得好舒服，係談心嘅好地方。
▲餐廳提供多國菜色，價錢約為$90-110，亦可以半價加配甜品或非酒精飲料等。
▲「藍碟花檸檬愛玉梳打」同「荔枝愛玉梳打」睇得又飲得！「愛玉」份量好多，以半價來講，算值回票價。
▲「日式牛肉便當」睇落好似好少咁，但其實食落好飽！牛肉份量多，脂肪比例較少，但係依然保持軟熟口感，送白飯一流！另有配菜芝麻醬沙律、日本漬物，同埋兩粒士多啤梨口味嘅糯米糍做甜品！
▲「菠菜蟹肉意大利飯」好Creamy，如果蟹肉份量可以再多啲就更完美！
Chopsticks Fork n Knife
地址 : 黃竹坑香葉道2號One Island South 1樓110舖
電話：2110 3699
文字／圖片來源：香港人.遊香港