真係好似！
呢個位於旺角甜品店，推出自創獨特造型嘅甜品，等你大吃一驚，有豬扒同牛扒雪糕，老闆話靈感來自以前去旅行食過嘅雪糕，呢到好多自創嘅甜品，你一定未見過。
▲7成熟雪糕牛扒($88): 份牛扒賣相好正！牛扒係外面係朱古力雪糕黎，而入面係草莓雪糕，望落就真系好似牛肉咁，旁邊嘅配菜有迷你西多扮薯餅，薯條係焦糖香蕉。
▲疑似吉列豬扒雪糕($58): 呢份厚切豬扒賣相嘅炸雪糕，入面係北海道3.6牛奶雪糕，旁邊配士多啤梨醬，而外面係真炸皮。
▲雪糕漢堡($58): 呢個雪糕漢堡形狀一嗒食得晒，包係用香脆嘅燕麥包，夾住雪糕，食落口感好正。
▲店內裝飾基本係呢啲公仔樣嘅裝修，都幾得意，做背景都一流。
Smokey Ice
地址: 旺角白布街2-24藝興大廈地下8號鋪
電話: 3956 9355
營業時間: 3:00pm – 1:00am
文字來源：香港人.遊香港／圖片來源：互聯網