位於尖沙咀The One 20樓既峰景餐廳Café Deco為炎炎夏日送上海鮮盛宴！峰景餐廳Café Deco景觀極佳，不但可以係室內涼住冷氣坐擁270度既維港景色，係宜家到12月份食午餐，仲有買一送一既優惠，兼享任食Salad Bar及一杯有/無酒精飲品！埋單每位100蚊度，可謂茶餐廳既價錢，五星級既享受！
▲餐廳室內寬敞唔擠迫，由頭到尾到係一幕幕既落地玻璃，唔怕睇唔到海景
▲餐廳有個小露台可以無間隔地接近270度維港美景，依啲咁浪漫既事，小編一定會留返天涼先做！
▲午市Salad Bar一啲都唔馬虎 ，各款豆、沙律醬、新鮮蔬菜、焗麵包粒、醃漬物… …
▲最矚目莫過於一大磚巴馬臣芝士，可以自己用專用既三角芝士刀起粒
▲天多尼烤雞伴烤包(Lunch set $176, Dinner set $238) 係必點之一！烤得好嫩滑而且唔太辣，啱哂香港人口味，小編嫌唔夠喉，要encore添呀~
▲香蒜虎蝦扁意粉配香草汁(Dinner set $198) 醬汁以蝦頭熬整，蝦味濃郁，醬汁呈然橙紅色。留心啲睇，係有殼海蝦人手剝殼入餚，非常彈牙新鮮
▲另外，如兩位食dinner set，即送半隻芝士焗新鮮加拿大龍蝦；四位或以上既話，就送原隻龍蝦（約 1.5 磅，原價 $488）。
▲龍蝦肉已經事先起咗再舖上芝士焗，刀都唔使用，夠哂細心。蝦肉焗得啱啱好，彈牙又嫩口。龍蝦肉兼夾伴碟既薯蓉都充滿咸香既牛油味，好正
▲暖蘋果撻配雲呢拿雪糕($85)由一塊塊蘋果圍成批邊，感覺上比其他甜品少咗幾分甜膩感。牛油撻底同脆脆彌補咗蘋果焗後變淋既口感，雪糕原條雲呢拿籽上，夠哂足料
▲餐廳推介 – 特式朱古力球伴海鹽焦糖醬($128)，海鹽焦糖醬徐徐倒下融化咗法國Valrhona朱古力外殼後，同雲呢拿雪糕完美咁融合埋一齊。咁香甜濃郁既甜品，只要一啖，人都化
峰景餐廳 Café Deco
電話︰+852 2849 5111
地址：尖沙咀彌敦道 100 號 The ONE 20 樓
文字來源/圖片來源：香港人.遊香港