原來係分子料理！
天后嘅甜品一向都好出名，但競爭市場大，靠甜品好難發圍， 所以好多餐廳都搞多左啲諗頭，增加客源，而呢間餐廳哈妃Hafie，都有唔少嘅創意菜式，當中最特別嘅係芝士焗宮崎豬扒飯、蛋黃楊枝甘露，係呢求嘅招牌菜。
▲蛋黃楊枝甘露($68): 而甜品楊枝甘露一上碟就好靚，上面嘅「蛋黃」其實係分子料理整嘅芒果汁黎，而啲蛋白係椰汁，就連擺盤嘅芒果都係當季嘅時令芒果。
▲綠茶奶凍($58)個奶凍好好味!唔會太甜，有淡淡既抹茶味。
▲芝士焗宮崎豬扒飯($88): 呢個豬扒飯用左日本進口的宮崎豬扒，用呢種優質嘅豬肉，係香港都係第一次，呢個宮崎豬扒肉質鬆化，個飯炒得乾身且有香口感，所以呢個係必食之選。
▲宮崎豬肉漢堡便當: 漢堡十分juicy，口感軟熟，而生果配料亦好新鮮，唔係一啲平價生果。
▲磨菇芝士蛋糕($68): 蘑菇造型可愛精緻，裝飾又有蜜蜂樹葉，係咪以為個蘑菇係cream呢，其實原來係棉花糖，食到底亦會有生果，所以一點都唔膩。
▲必食雪糕漢堡(迷你)($68): 呢個漢堡其實係泡芙黎，啲泡芙包住新鮮水果同雪糕，而且迷你size放便一嗒食得晒，而側邊啲炸南瓜條都好香脆，啲醬好有創意咁係士多啤利醬。
哈妃Hafie
地址: 天后歌頓道1號地舖
營業時間: 星期二至日: 11:30-23:00
電話: 3743 1466
文字來源：香港人.遊香港／圖片來源：互聯網