你又點睇？
每次去到呢間車仔麵店聽到人叫中辣以上就覺得好神奇！到底咩構造先會食到？身為半個元朗人既小編由簡陋裝修食到大，到依家食小辣都食到流哂鼻水，不過每次食完都好過癮，總係令人念念不忘，原來辣汁係以咖喱粉加入多種香料炒成，雖然風味不再，冇咩人排隊時其實可以一試，小編從一而終鐘情招牌豬腸，洗得乾淨冇騷味，再以藥材、果皮等慢火炆煮，值得推介！聽聞呢間車仔麵衝出元朗，去尖沙咀插旗，小編真心希望食物質素保持不變喇！
▲三餸一麵＄35，可以揀唔辣／大中小辣，怕辣又想試既，可以揀微辣
▲比裝修之前加入多款配料，務求做到更多元化，溏心蛋一咬開，即刻有流心感覺。
▲比定心理準備你先，小辣其實已經辣到流馬尿，所以一定要加杯凍飲先得。
▲小編大推呢度豬腸，洗得好乾淨又冇腥味，而且整得好入味，同麵底辣汁一拍即合。想極緻d試下個辛辣感覺，可以order紫菜呢個選擇，因為紫菜會索哂d湯。
▲同時亦有小食牛油多士，係真係成大舊牛油果隻，邪惡指數爆燈
▲估唔到呢間昔日係地痞既小店可以衝出尖沙咀，不過網上朋友反應非常兩極，小編一於靜觀其變。
永年士多
元朗本店
地址： 元朗寶城洋樓號2-4號地下, 88 Kau Yuk Rd
電話： 2477 3816
營業時間：12:00–21:30
尖沙咀分店
地址：加拿芬道46號地下前舖7&8號
文字／圖片來源：香港人.遊香港