Tag你個閏蜜入黎！
位於旺角呢間酒店不嬲搞作都多多，今次仲同巴西時尚鞋履品牌Melissa旗下的姊妹品牌Zaxy推出聯乘下午茶，真係成隻鞋整左出黎！而且廚師精心設計食物迎合夏日熱情感覺，迎合埋兩杯特色飲料，令你同閏蜜有個relax既下午！今個月惠顧兩位用套餐就可免費獲贈Zaxy九五折優惠劵及HK$250購物禮劵一張喇！
▲呢隻果凍鞋係品牌既新品，上面心心裝飾造型十分可愛，而廚師今次將果凍鞋用糖皮倒模，真係好似真既一樣！而心心就用左黑芝麻瓦片曲奇代替，賣相精緻優雅，口感香脆。後排既雲呢嗱杯子蛋糕用上品牌-蝴蝶，加上由口感軟滑既雲呢嗱吉士忌廉，入口層次豐富。而椰子菠蘿慕絲蛋糕分別由海綿蛋糕及由菠蘿果茸製成的慕絲炮製而成，都幾好食！
▲中層繼續甜食。左起：巴西莓乳酪慕絲、雲呢拿熱情果馬卡龍、提子鬆餅、蜜桃卷蛋糕。最特別係造型可愛既巴西莓乳酪慕絲，紫色白朱古力外殼，
▲下層咸食一D都唔失禮！。左起：香煎帶子伴芒果洋葱醬、炸乳酪雞肉薯球、香草蝦伴鳳梨薄荷茸、燒烤肉腸伴香草雜豆燴飯、烤鳳梨釀去骨雞中翼、炸芝士牛肉餡餅。去骨雞翼食落啖啖肉，而且釀入烘烤過既菠蘿，外皮烤至金黃焦脆，內裡還保留著香滑雞汁，口感豐富。
▲呢個tea set配上Hazelnut Latte及Samba 兩杯特飲，前者奶香細膩，後者甜美清新，可謂各有特色。
▲Zinderella Summer Glow Afternoon Tea Set( HK$508 兩位用，包兩杯特飲)，成個tea set用透明首飾櫃concept，貴氣十足，食完仲可以拎埋coupon同閨蜜shopping!
Zinderella Summer Glow Afternoon Tea Set
供應日期： 2017 年 7 月 1 日至 9 月 30 日下午 3 時至 6 時
地址： 旺角太子道西193號帝京酒店獅子樓
電話： 2622 6154
文字／圖片來源：香港人.遊香港