$388紅白酒啤酒任飲任食！
小編素聞帝京酒店Buffet性價比一直都好高，今次適逢酒店二十週年，推出各種經典美食，同香港文化一樣，呢度推出美食都係咁多樣化，西式美食好似法式燴香橙鴨、威靈頓牛柳都有！而港式地道美食就有牛雜粉麵、龍須糖等，別具傳統風味！順帶一提，今次book位前特登去帝京個FB睇下有咩食，居然俾小編發現一個超抵既訂位方法！小編先講左有咩好食先，想睇點先用到最抵價錢訂位，就要轆到最底喇！
▲冰鎮海鮮，呢個幾乎係係自助餐必食既，呢度有爽口鮮甜而濃郁既生蠔、啖啖肉松葉蟹腳、仲有彈牙爽甜熟海蝦同藍青口等。
▲日式刺身，晚餐時段供應三文魚、吞拿魚、八爪魚同鯛魚，件件新鮮肥美。
▲砵酒焗牛脷係60-70年代西餐廳招牌美食，廚師將砵酒及燒汁作為醬汁Base，加入雜菜爆香及牛脷炆至軟腍，醬汁完全滲入麵包。
▲法式燴香橙鴨，酸甜醫汁味道比較開胃，醃製後先香煎鴨表面再以焗爐輕焗，肉汁得以鎖緊，之後廚師將橙酒、新鮮香橙、橙汁、鴨肉及鴨骨製成的秘製燒汁內燴熟，令味蕾有不可思義既衝擊。
▲威靈頓牛柳，小編曾經參加過cooking class學煮呢道菜，步驟同材料一D都唔簡單！使用上味道濃郁冒美國牛柳，塗上自香草白菌蓉、鴨肝醬，再用Parma Ham包著，表層以酥皮包好後放入焗爐焗至香脆，牛柳焗得恰到好處，一切開肉汁豐盈四溢，牛柳因此保留肉質嫩滑，點埋芥末醬同燒汁，風味十足。不過小編覺得清新既烤蔬菜先係重點，令口腔既油膩減卻。
▲法式香橙班戟，小編雖然已經食得好飽好飽，但都想推薦大家食埋呢個法式香橙班戟！預先將薄薄一層富牛油及蛋香班戟片煎好，加入新鮮橙茸醬汁，上菜前一刻再淋上香橙酒，並點火輕灼，班戟因此口感軟綿而充滿橙香。
訂位攻略！
小編發現最抵方法係喺帝京酒店個FB長期置頂既優惠，只要screencap有關優惠，訂位時講明使用呢個優惠，就可以用最低價錢$388全包呢個價錢享受呢個自助晚餐，除左任飲餐飲之外，指定紅白酒、啤酒都包括在內！淨飲酒同幾件生蠔分分鐘已經值回票價。
第一步：登入帝京酒店facebook，睇下你想訂位既日子同時段係做緊咩價錢，一般來說，最抵係星期一至四晚$388全包；而星期五六日就貴10蚊。
優惠頁面傳送門：https://www.facebook.com/RoyalPlazaHotelHongKong/
第二步：打電話去帝京酒店花月庭訂位，同職員說明使用facebook優惠、訂位人數日子及時段。
攞位時簡單show screen就可以。同openrice優惠唔同，呢個優惠唔需要print出黎，既環保又方便！
花月庭20周年自助晚餐
地址： 旺角太子道西193號帝京酒店2樓
電話： 2622 6154
文字／圖片來源：香港人.遊香港