打工仔lunch可以一試！
位於車水馬龍的灣仔街道，呢間幸屋好容易被忽略，因為前面鐵皮排檔擋住，店家要搵人派傳單同放多幾個易拉架先有人留意到！ 呢度拉麵湯底有原味豬骨湯、黑蒜油、辛辣地獄同味噌口味，小編點既黑蒜油同辛辣地獄都落足心機，湯底濃郁，而麵底則帶粗麵同幼麵選擇，兩者蛋香都十足，而且依家仲做緊優惠套餐 – 拉麵+可樂+餃子都係$88，以同區拉麵相比，性價比算高。
▲先來個巨峰提子汁，真係飲到粒粒提子！
▲汁燒牛肩肉串燒($25)及茄子串($12)，牛肩肉係最利於烤熟的嫩肉，加上燒烤汁，味道配合天衣無縫
▲呢度主打九洲豚骨拉麵，有金武士(原味豚骨湯)、黑武士(黑蒜油湯)、赤武士(地獄湯)同銀武士(味噌)，另外仲有限定湯底，小編一行2人當日想食重口味D，於是揀左黑武士($78)同赤武士($78)。
▲小編好怕赤武士會中伏，點知都幾有驚喜！香辣得黎帶層次感，唔係一味死辣！
▲每碗拉麵都附有木耳、紫菜、半熟蛋、蔥、兩塊叉燒，相比同區拉麵店，不需另外追加已經有一隻半熟蛋，唔知係咪廚師特意令拉麵冇咁溜，加入黑木耳份量都唔少。
▲店員介紹黑蒜油湯係特別加入栗子蓉去熬煮，加上麵條掛湯度極高，食哂成碗真係會好飽好飽！
幸屋拉麵
地址：灣仔機利臣街5-9A號5-9A 號
電話：2868 3091
文字／圖片來源：香港人.遊香港