適合去同閏蜜談心！
小編有幸到訪位於尖東呢間童話花園Diletto，猶如到天堂享受一頓盛宴！一到餐廳，先要登上白皚皚既天國楷梯，隨即進入進餐區，彷似天堂中的小花園，侍應安排我們到窗台的位置，而窗台擺放繡球絲花，眺望車水馬龍的馬路，跟室內浪漫氣氛截然不同。原來廚師曾經係酒店做過，由室內裝潢，以至擺盤，都勁有心機！小編揀左呢個Deluxe Dinner，一共有6個course加多杯sparkling wine。另外仲追加左個羊架，真係食到大滿足！
▲Diletto以湖水綠石牆、綠意盎然既絲花擺設同柔和既燈光，互相配合，環境氣氛都唔錯。
▲侍應先上兩款麵包同3款配料，香草包外脆內軟，可以塗上牛油、入口幼滑南瓜蓉及慢煮蒜頭。
▲慢煮蒜頭已經焗成蒜蓉，同麵包配搭簡直係天衣無縫。
▲Sparkling wine配上背景繡球花、百合花，飲落去，令人有種意亂情迷迷幻錯覺。
▲今次既Amuse Bouche煙燻呑拿魚同5*酒店自助餐無異，吞拿魚煙燻至半熟，中央依然透紅，邊位圍上了粒粒芝麻，香味十足
▲Appetizer 方面，小編今次選擇「Hokkaiddo Scallop Carpaccio」故明思義，將北海道帶子切成薄片，再淋上秘製柚子醋，配埋上面既蔬菜，有一種講唔出既清新！
▲北海道帶子片配魚子醬，帶子切成薄片再加入魚子醬，鮮甜爽口又有魚子香
▲Soup方面 我揀左Lobster Bisque，不過覺得略嫌有點失色，實在係咸得過份，龍蝦唔算好食
▲之後來個煙燻鵪鶉腳配青蘋果沙律，鵪鶉腳味香而鮮美，又唔算油膩，配上清新青蘋果火箭菜沙律，非常搭調。
▲呢個時候，口腔已經充斥龍蝦湯既咸香、鵪鶉腳既油香，廚師悉心安排奉上紅莓口味sorbet，清一清口腔既油膩，再上主菜。
▲千呼萬喚始出來，主菜一上小編隨即化身成牛魔同肉食控，先講個「Grilled Black Augus Rib Eye with Sauteed Veggie」，牛肉取材新鮮，肉眼較腍身，不過勝在油脂分佈均衡，放入口腔，油脂從縫隙之間流出，香氣四溢。
▲而呢個澳洲羊鞍則做到外皮香脆、肉汁豐盈，而且將原先之膻味與油脂化為一體，美味非常。
▲Smoked Chocolate Magic Ball，Magic ball圓形球體完全師傅甜品的功力。上台時係一個以黑朱古力製作成一個圓形波波，侍應就將熱騰騰既黑朱古力醬倒係朱古力波上面，外層脆皮隨即溶化，流滑朱古力漿都溶化係雲呢拿雪糕上，雲呢拿雪糕食得出濃烈既雲呢拿油及雲呢拿籽。彷如一個完美結局。
Diletto
地址： 尖沙咀漆咸道南11-15號號 1 樓余仁生中心
電話： 2117 1411
營業時間： 11:30–00:00
文字/圖片來源：香港人.遊香港