9道菜超滿足！去到尖沙咀，想搵間格調幾好既餐廳唔容易，而小編去呢間氣氛有一種輕鬆慵懶既holiday mood，加上酒精微妙作用、店舖柔和愉快既爵士音樂，讓人心情為之放鬆。呢個套餐有9道菜，每位$698，大部分都係送酒小食，好多都加入今次既signature-西班牙海膽落去，西班牙海膽金屬味同海水咸香都較重，唔易handle。食慣日本海膽既朋友可以試下有咩唔同。全部食物都貫徹始終加入海膽，而且口味零違和感。
▲呢個西班牙海膽海陸大餐，先來一杯西班牙汽酒。口味類似香檳。質素稍高既西班牙汽酒氣泡細緻而清新，入口果香豐富。以美酒搭配佳餚，相信更能提升美食層次。
▲原來西班牙赫羅納地區每年都會慶祝海膽豐收既節日，名為「La Garoinada」，呢間西班牙餐廳希望將呢種文化帶比香港人。呢個海膽三文治鋪上一層厚厚海膽配番茄蓉脆多士，西班牙海膽比平日食開既口味較重，配多士係錦上添花之作。
▲而蕃茄凍湯以新鮮蕃茄打成，味道清甜，拌入蛋碎及鹹香火腿，豐富成個凍湯既口味。
▲豬肉薯球拼36個月伊比利火腿，薯球炸成脆身，內裡豬肉碎顯示出淡淡豬肉香，點帶酸帶沙律醬汁，減卻本身既油膩，而橡樹子等級伊比利火腿被許多人稱為世界上最美味火腿之一，所以有此點綴令味蕾更上一層樓！！
▲而呢味傳統既破蛋就改用左鵪鶉蛋同脆薯粒，加埋今次主題海膽，食之前杯內海膽、鵪鶉流心蛋與薯粒拌勻，咸香十足。
▲加泰隆尼亞海鮮煮，小編已經好飽喇！呢個結集左蝦、蜆同青口既海鮮湯，鮮味非常。
▲海膽汁煮紅蝦海鮮麵，所謂海鮮麵，其實是比平日細粒既通心粉，通心粉中間吸引收了海膽汁同紅蝦既日月精華。而紅蝦更係被譽為世界上最好吃既蝦, 居於深海2,000米, 蝦膏香濃甘甜, 蝦肉爽甜鮮美, 比野生海蝦蝦味濃郁10倍。
▲西班牙小青椒，清新清香，每隻小青椒配一片薄脆餅，擁有異國濃郁香味，有多層次口感。
▲慢煮牛尾其實係小編最愛，廚師以低溫慢煮牛尾至軟腍，最後亦不忘配上一大片海膽，牛尾入味香軟，唔算重脂肪肥膩。
▲最後甜品Crème Catalan原來係西班牙傳統布丁，表面的焦糖香脆，食落有Ｄ似檸檬夾心餅既檸檬，口味都幾特別！！
One Minden Tapas Kitchen
地址：尖沙咀棉登徑一號地舖
電話：2722 1707
文字／圖片來源：香港人.遊香港