旺角美食2024｜旺角新開日式天婦羅專門店
早前旺角有間兩層高日式天婦羅專門店，主打即叫即炸的天婦羅和天丼，而且$30起就可以自選天婦羅定食，多達27款天婦羅可以任選加配，飯底可加配香蔥牛油飯，無論美食同價錢都非常親民！另外亦有各款丼飯選擇，例如海老穴子天丼有穴子、黑虎蝦、蟹柳、南瓜等，加埋半熟蛋流心撈飯一流，但夠曬邪惡！此外鐘意飯後甜品嘅一定要叫炸蘋果伴雪糕，可揀豆腐或岩鹽味，口感外脆內軟，一於約朋友一齊試啦！
▲自選天婦羅定食$30起，大家可自由加配各款天婦羅，每款$8/ $12/ $22不等，天婦羅有廣島蠔、鮮帶子、黑虎蝦、穴子、帆立貝、流心半熟蛋、牛肉餅、紫蘇蝦膠等選擇，極推薦飯底加配香蔥牛油飯，加入大量香蔥，每粒飯浸透牛油香味。
▲半熟蛋天婦羅呈流心狀態，呢餐飯夠曬邪惡！
▲另外廣島蠔都係新鮮好食，所有炸物都係新鮮即叫即炸！
▲想再邪惡啲可以叫埋炸蘋果伴雪糕，口味可揀豆腐或岩鹽，2片炸薄蘋果片夾住冰凍雪糕，口感外脆內軟。
捌加廿陸天婦羅居酒屋
地址：旺角窩打老道31-39號翠園大廈一期地下33A號舖
營業時間：星期一至四、日 12:00 – 15:1517:30 – 21:30；星期五至六12:00 – 15:1517:30 – 21:45
圖片來源：@joys.foodiary 文字：香港人遊香港