聖誕2023｜聖誕車尾箱市集 車主免費參與 巨型車軚聖誕樹+戶外飄雪匯演+音樂會 尖沙咀好去處

【聖誕2023】【尖沙咀好去處】聖誕活動點少得行市集呢？12月就有一連4個週末，一共11日嘅「聖誕車尾箱環保市集」等緊大家。車尾箱市集有齊文創產品、手工藝品、美食同遊戲攤檔，而且想擺檔嘅車主，參加費全免！只需要網上報名就可以試吓做檔主啦。市集嘅宗旨係希望延續舊物嘅生命，減少浪費，所以場內嘅聖誕樹都係以環保方式製成，用廢棄車軚、汽水同紅酒箱嚟打造，應節得嚟又環保。另外，喺指定日子更加會有冬日飄雪匯演同音樂會𠻹。

▲12月8日起，一連4個週末，共11天舉辦嘅聖誕車尾箱環保市集，主旨係希望舊物重用，延長物品嘅生命，係以環保為主題嘅市集！參加費仲要係全免，$0就可以做檔主！

▲市集會有齊文創產品、手工藝品、美食以至遊戲攤檔，鼓勵各位車主將舊有物品升級再造出售。

▲市集嘅位置仲要係喺中港碼頭上蓋，可以一覽維港美景，同場更有環保巨型聖誕樹。可以購物又可以睇靚景兼打卡。

▲除咗市集買賣之外，仲有小型音樂會同飄雪匯演𠻹，點可以錯過！

聖誕車尾箱環保市集

日期：12月8至10日、16、17、23至26、30、31日（一共11天）
時間：17:00-22:00、18:00-00:30（12月31日）
地點：中港城海豚池平台花園
報名連結：按此

冬日飄雪匯演

日期：12月24、25及31日
時間：19:00-21:00之指定時間
地點：中港城海豚池平台花園

自由約小型音樂會

日期：12月8至10日、16、17、23至26、30、31日（一共11天）
時間：19:00-21:00
地點：中港城海豚池平台花園活動舞台

文字：香港人遊香港