湯底出色！
小編係如假包換既餃子控，餃子都包得好食，材料要夠新鮮，呢個大白菜豬肉湯餃就岩哂我心意，大白菜混合豬肉，菜肉比例平均，重點係呢間餃子店既所有湯餃都配呢個狀元九鼎湯湯底。呢個湯底以粉葛、鯪魚、鰂魚等材料煲成，真材實料，而且無鹽無味精新鮮製造，好有家庭風味。而店家推薦煎松茸餃，小編就有少少失望，松茸味道只有淡淡幽香，煎餃唔算特別香脆，唯一開心位係，呢個餃又會配多碗湯，小編轉頭就一滴不漏咁飲哂！
▲一坐底未點餐已經被呢個中式醃菜吸引，裡面有白蘿蔔、紅椒及青椒，蘿蔔入口爽脆，酸香而唔嗆喉，而且免費任食。
▲呢個調味架亦相當大陣象，當中四川麻辣醬同香辣醬仲要係自家製，各有特色，岩哂重口味人士！
▲回味手拍青瓜($16)
▲麻辣松花皮蛋($18)
▲大白菜豬肉湯餃($35/7隻，$40/10隻)
▲湯餃既湯都係用狀元九鼎湯湯底，餃子味道天然，好有住家味道，估唔到出街食都有健康選擇！
▲中山金吒蒸餃子($35/3隻)，外型似粉果，煙韌粉皮 包住豬肉配腐乳醬，味道十分特別。
▲「至尊松茸餃子」($69/8隻)，以上乘梅頭肉，配以營養價值高雲南野生松茸，風味獨特。唇齒留香健康天然，每份松茸餃子都配多碗狀元九鼎湯湯底，唔放味精，每日使用粉葛、紅蘿蔔、赤小豆、扁豆、陳皮、蜜棗、豬排骨、煎香的新鮮鯪魚，煲6至8個鐘頭而成，飲到真材實料住家味道。
餃掂手工餃子雲吞專門店
地址：太子界限街30號地下
電話：3105 9968
文字／圖片來源：香港人.遊香港