上環美食2023｜日式巨型刨冰店
夏日炎炎，又多左一間消暑刨冰店選擇！呢間主打日式刨冰的新店位於上環，地下層係刨冰店，樓底寬闊，而2樓主要係賣復古衫嘅舖頭。依間店選用日本九州白川水源同埋日本沖繩水果做冰，每份冰足足有18-20cm咁高，2-3個人share食都得！口味方面推介人氣西瓜冰，採用日本進口鳥取西瓜，用咗朱古力粒粒模仿西瓜籽還原西瓜造型超可愛！其餘仲有宇治抹茶白玉、奇異果、沖繩金檸刨冰等，每份都會加上一層海鹽芝士奶蓋，鹹甜交織好滿足！
▲新店位於上環，地下層係刨冰店，樓底寬闊，而2樓一半用作賣復古衫嘅舖頭。
▲口味方面推介人氣西瓜冰，採用日本進口鳥取西瓜，用咗朱古力粒粒模仿西瓜籽還原西瓜造型，加上一層海鹽芝士奶蓋，仲附送黑糖漿，味道偏清新。
▲宇治抹茶白玉、沖繩金檸口味刨冰，抹茶口味中間有十勝紅豆同白玉，冰底加咗宇治抹茶同煉奶，味道非常濃郁。而金檸口味嘅刨冰中間會有益力多乳酪爆珠同埋蒟蒻，健康十足。
▲除左刨冰外，抹茶蕨餅亦係新店近期新品，由日本進口的蕨餅口感軟糯Q彈，均衡地沾上香濃的抹茶粉。
SoSoSo Kakigori
地址：上環荷李活道224-226號地舖
營業時間：星期一至四：13:00-21:00
星期五六日及公眾假期：12:00-21:00
圖片來源： @aiii_foodie 、 @sososo_kakigori 文字：香港人遊香港