尖沙咀美食2023｜尖沙咀地道韓國菜The JANG
又到尖沙咀覓食時候！今次介紹呢間韓國料理餐廳集中了5個韓國美食品牌入駐，包括恭合春、布帳馬車、Juk Story、Nene Chicken、馬場洞烤肉專門店，幾乎包括所有人氣韓shi美食，韓燒，韓式小炒、炸雞、炸醬麵、醬油蟹都可以係呢度食到！必試鐵板熱炒海陸空，大大份適合3至4人享用，而且價錢適中cp值高！包括有辣炒魷魚片、辣炒豬皮同春川炒辣雞，仲可以額外加配芝士，拉絲效果十足，中間仲有魚糕湯，等你一次過食到唔同類別嘅菜式，如果同朋友一齊享用絕對係唔錯嘅選擇！大家去尖沙咀不妨到呢間韓國餐廳品嚐一番地道風味！
▲鐵板熱炒海陸空($286)有辣炒魷魚片、辣炒豬皮同春川炒辣雞，可以加芝士，達到拉絲效果。中間有魚糕湯，有各式各樣嘅魚糕魚片，中和辣味。
▲炸醬麵($82)醬汁非常濃稠，有薯仔青瓜配料，而麵條偏粗，口感滑順，味道帶有甜味。
▲炸雞四重奏($158)有招牌/甜辣/白郡主/蒜香醬油口味，白郡主是乳酪醬洋蔥，酸甜乳酪加上微辣的生洋蔥，令炸雞味道非常清新而不膩。
▲仲有更多美食包括鯛魚燒沙冰和秘製滷豬腳，豬腳五香味濃郁，充滿大量膠原蛋白質，口感軟嫩彈滑，啖啖肉食起來非常滿足！
The JANG – Pocha & Korean Cuisine
地址：尖沙咀河內道18號K11購物藝術館1樓107號舖
營業時間：星期一至日11:30 – 22:00
圖片來源：@seowooob 、 @thejang_hk 文字：香港人遊香港