尖沙咀美食2023｜超Q熊仔冰奶茶！新派地道茶餐廳 港式奶茶+阿華田西多+原個蕃茄牛肉飯

呢間新派茶記，最吸引嘅就係熊仔冰奶茶！餐廳本身有成7款唔同口味嘅樽仔奶茶，而堂食就可以飲到超可愛又香濃嘅熊仔冰奶茶。用茶底整成嘅熊仔冰，即使慢慢融化都唔會令奶茶口味變淡，賣相仲係打卡一流㖭！茶記就當然有各式主食同小食啦。餐廳嘅阿華田多士超邪惡，一切開就有爆餡煉奶流出，面層仲有好多華田格格脆，亦有經典奶油西多提供。主食方面，原個鮮茄牛肉飯就好啱香港人口味啦，酸甜味嘅鮮茄醬汁配上滑蛋同鮮牛肉，開胃又好味。想飲到香醇細滑嘅奶茶，就要去試試啦！

▲熊仔奶茶冰冰（$38）：做奶茶馳名嘅金二少，餐廳本身有提供7款唔同口味嘅樽仔奶茶，而堂食奶茶嘅熊仔冰係用茶底整成，即使慢慢融化都不會令奶茶口味變淡，保持到香醇細滑嘅味道。

▲一夜暴富劉華多士（$45）：阿華田多士超邪惡，一切開就有爆餡煉奶流出，面層仲有好多華田格格脆，口感同味道都超適合鍾意甜嘅人。

▲原個鮮茄牛肉飯（$68）：港式碟頭飯之一，用酸甜味嘅鮮茄醬汁配上滑蛋同鮮牛肉，開胃又好味

▲原隻南瓜咖喱海鮮焗飯（$98）：用原隻南瓜焗成嘅咖喱飯，每啖都有咖哩汁。本身偏濃味嘅咖喱加埋焗到軟爛嘅南瓜，口感軟綿，口味重！

金二少冰室

地址：尖沙咀柯士甸道71號地舖
營業時間：07:00-21:30
訂座電話：37099612

文字來源：香港人遊香港/圖片來源：@kamyeesiu