尖沙咀美食2023｜和牛OMAKESA 引入原隻日本薩摩牛 A5和牛9款稀有部位！完美油脂比例入口即溶
召集牛魔王！呢間燒肉餐廳主打頂級A5和牛，由日本引入原隻最高級嘅薩摩牛，無論係油脂分佈定係味道都係完美。Omakase套餐有齊9款和牛嘅稀有部位，薄切同厚切唔同嘅和牛部位，包括牛肉味香濃嘅「赤身」，到去油花滿溢嘅「霜降」都有，仲有賣相特別嘅蔥縛和牛舌芯，啱哂部位都想試嘅朋友仔！餐廳除咗和牛之外，爐具同烤網都係由日本引入，誇張強勁嘅火力令和牛可以鎖緊肉汁。係咪睇到流口水呢？咁就要快啲去試吓啦！
▲九品「日本一」燒肉盛合（$580/1位）：有九個和牛嘅稀有部位，全部肉都係嚟自上乘嘅薩摩牛，分為薄切同厚切，同有蔥縛和牛舌芯。
▲九品「日本一」燒肉盛合的九個稀有和牛部位包括：三筋配柚子蘿蔔蓉、龜之子、壽喜燒片、後腰臀肉、後腰臀肉蓋、貝身、羽下、蔥縛和牛舌芯。
▲蔥縛和牛舌芯：九品內的其中一款，用大蔥綁住包裹白蔥嘅牛舌芯，保留到蔥嘅甜味又鎖緊到牛肉肉汁。
▲龜の子：龜の子係和牛嘅後腿肌肉，油脂比較少。除咗燒嚟食之外，仲可以用熱湯同花茶將肉慢慢浸熟。
▲霜降羽下：肉質鮮嫩，入口即化，油花比例最高所以油脂感極重！
鞍下熟成肉
地址：尖沙咀金馬倫道29A號地下
營業時間：12:00-22:00
訂座電話：30189987
文字來源：香港人遊香港/圖片來源：@yakiniku_kurashita