尖沙咀美食2023｜打卡甜品！3.6牛乳低脂希臘乳酪雪糕 必食酥皮筒+Bailey’s醬

夏日炎炎當然要食雪糕消暑啦，但怕肥又怕膩？咁就要試下尖沙咀呢間新開嘅希臘乳酪雪糕店，主打使用北海道3.6牛乳同希臘低脂乳酪製成嘅乳酪雪糕。有成20種配料同8種醬可以任你配搭，無論你鍾意咩口味、咩口感都可以滿足到。其中酥皮筒是必點嘅特別選擇，好大舊勁酥脆， 震撼嘅賣相仲好適合打卡。配料有咖啡蛋白餅、麻糬、Oreo、自家製Brownie等。醬料方面，比較特別嘅口味就有Bailey’s朱古力醬，甜得嚟又帶啲酒味！店舖仲有紅磚牆設計，畀大家拎住雪糕打卡！想食清爽唔膩又豐富嘅甜品，就要去試下啦！

▲Meringue Cone酥皮筒（$58）：酥皮筒+2款配料+1款醬汁。配料是抹茶麻糬及Oreo，加抹茶牛乳醬，乳酪雪糕質地軟滑輕身，而酥皮筒金黃外皮十分酥脆。

▲Regular Cup 滿足杯（$56）：360ml乳酪雪糕+3款配料+1款醬汁。lotus餅同kinder繽紛樂帶出出朱古力的甜同焦糖味，麻糬口感煙韌。Bailey’s朱古力醬醬汁，朱古力酒香味突出。

▲咖啡蛋白餅、原味麻糬、酥皮筒加抹茶醬的配搭。

▲左圖：自家製brownie、朱古力碎石、酥皮筒同Bailey’s朱古力醬，滿足哂朱古力控的口味！右圖：焦糖杏仁太妃糖、杏仁脆片、麻糬及芒果！太妃糖不會過甜，杏仁脆片就十分薄脆、仲有新鮮芒果更添清新味道。

▲店舖仲有紅磚牆設計，畀大家拎住雪糕打卡！

Frozen Yogurt Drool

地址：尖沙咀柯士甸道144號地下D號舖
營業時間：13:00-22:00
電話：94357638

文字來源：香港人遊香港/圖片來源：@852japjapjap、@__homekong__、@seina_hc、@hohoeatrice