拍拖好去處 召集抹茶控 抹茶主題Café推介
荃灣美食推薦！抹茶控必到！呢間荃灣的樓上café最近推出抹茶御前盛合，抹茶控一定勁心動呀！呢個超豐盛抹茶御前盛合共有五樣產品，包括三樣甜品同兩杯飲品，份量都夠大，一枱都是綠色的抹茶，視覺同味覺都超滿足。甜品包括熔岩抹茶窩夫，香脆窩夫上有抹茶忌廉，清甜而口感綿密，再加上士多啤梨同藍莓，酸甜滋味一解甜膩。另外有抹茶拿破崙，有三層酥脆、充滿牛油香的拿破崙酥餅，隔層被抹茶吉士醬填滿，再配上香蕉片同士多啤梨。草莓抹茶華爾滋就是日式芭菲，有多達6層的內餡，面層有抹茶雪糕加草莓百力滋，旁邊仲有煙韌的白玉同蕨餅，中間就有鮮士多啤梨同脆粒，底層就有紅豆同茶凍，真是極級豐富的芭菲。飲品都有兩杯，同樣是綠茶做主調，但口味就有些分別。雲朵抹茶有豐厚奶蓋，飲到濃香十足的綠茶。而抹茶莓姬就加入了士多啤梨元素，以酸甜的清新草莓香搭配香濃抹茶。三款甜品都是即叫即製，而且選用小山園丸久抹茶粉製作。而且餐廳環境裝修以波希米亞＋露營風做主題，好有渡假感覺，每個角落都是打卡位。抹茶控真心不能錯過！留意因數量有限，去之前記得要預訂！
▲抹茶御前盛合（會員：$298/Set，非會員：$318/Set）
熔岩抹茶窩夫：窩夫抹上抹茶忌廉，口感綿密，再加上士多啤梨同藍莓，帶出酸甜滋味。
▲抹茶拿破崙：有三層酥脆、充滿牛油香的拿破崙酥餅，抹茶吉士醬填滿隔層，再配上香蕉片同士多啤梨。
▲草莓抹茶華爾滋：即是日式芭菲，有多達6層的內餡，每層味道口感都不同！
▲雲朵抹茶：有豐厚的奶蓋，飲到濃香十足的綠茶。
▲抹茶莓姬：以酸甜的清新草莓香搭配香濃抹茶，比較清新。
Corefy
地址：荃灣享和街68號2樓
營業時間：11:00-22:00
訂座電話：46858033
文字來源：香港人遊香港/圖片來源：@corefy_